ករណីឡានប៉ះគ្នានៅលើស្ពានស្ថិតនៅភូមិឬស្សី១គុម្ព ឃុំត្រពាំងក្រញូង ស្រុកត្រាំកក់ ខេត្តតាកែវ កាលពីល្ងាច ថ្ងៃទី១៤ខែកក្កដា ឆ្នាំ២០២១ បាននិងកំពុងជជែកវែកញែកនៅលើបណ្ដាញសង្គមយ៉ាងខ្លាំងអ្នកខ្លះថា ឡានធំត្រូវ អ្នកខ្លះទៀតថាឡានតូចត្រូវ ប៉ុន្តែចំពោះឯកឧត្តម ម៉ុងឬទ្ធី លើកឡើងទស្សនៈខុសពីគេគឺ អ្នកដែលតែងតែបំពា-នត្រូវទទួលខុសត្រូវខ្លួនឯង។
ដោយក្នុងសារទាំងស្រុងនោះឯកឧត្តមបានលើកឡើងទាំងស្រុងថា៖
«កាលពីដើមឡើយមានឡានតិច ហើយច្រើនតែឡានតូចៗទៀតផង តែពេលនេះដោយសារតែស្រុកទេសរីកចម្រើនឡានធំក៏មានកំណើនឡានតូចរឹតតែមានកំណើន ដូចច្នេះហើយយើងមានតែខិតខំពង្រើកផ្លូវស្ពានតាមនេះដែរ ដូចរូបភាពដែលខ្ញុំតែងតែបាននឹងកំពុងតែអនុវត្តន៍រាល់ថ្ងៃនេះ។ អ្នកបើកបរទាំងឡាយដែលតែងតែបំពានទទួលខុសត្រូវដោយខ្លួនឯងចុះ»។
ផ្អែកតាមច្បាប់ចរាចរណ៍ មាត្រា២០ ត្រង់ចំណុចទី៧ បានចែងថា នៅលើស្ពានចង្អៀត ដែលបើកបរបានតែរថយន្តមួយគ្រឿង យានយន្ដធុនធំត្រូវទុកសិទ្ធិឲ្យយានយន្ដធនស្រាលទៅមុន។ តែប្រសិនបើករណីរថយន្តបានបើកទៅដល់លើស្ពានមុន រថយន្ដធុនស្រាលត្រូវឈប់សិន រង់ចាំរហូតរថយន្ដធុនធំឆ្លងស្ពានផុត៕
