ក្រុមបាល់ទាត់ភ្នំពេញក្រោន ក្រោមការដឹកនាំរបស់លោក Oleg Starynskyi បានប្រកួតស្មើ ២-២ PSIS Semarang សមាជិកលីគកំពូលរបស់ឥណ្ឌូនេស៊ី Liga 1 កាលពីថ្ងៃទី២៤ ខែមិថុនា នៅកីឡដ្ឋាន Jatidiri ជំនួបមិត្តភាពអន្តរជាតិ Pre-Season 2023 នៅប្រទេសឥណ្ឌូនេស៊ី។
២គ្រាប់របស់ភ្នំពេញក្រោន ស៊ុតបញ្ចូលទីដោយខ្សែប្រយុទ្ធជនជាតិជប៉ុន ពាក់អាវលេខ២១ Shintaro Shimizu ម្នាក់ឯងពោលគឺនៅនាទី២៨’ និង៥២’។
ទស្សនាវីដេអូពេញ ភ្នំពេញក្រោន ២-២ PSIS៖
ភ្នំពេញក្រោន នឹងត្រូវតំណាងឱ្យកម្ពុជា ចូលរួមប្រកួតពានរង្វាន់ជើងឯកកម្រិតទី២ប្រចាំទ្វីបអាស៊ី គឺ AFC Cup រដូវកាលឆ្នាំ២០២៣-២៤ ក្នុងកូតាវគ្គជម្រុះបឋម នៅថ្ងៃទី ១៦ ខែសីហា ឆ្នាំ២០២៣ ខាងមុន៖
គូទី១៖ ភ្នំពេញក្រោន (កម្ពុជា) ប៉ះ Young Elephants (ឡាវ)
គូទី២៖ Yangon United (មីយ៉ាន់ម៉ា) ប៉ះ Kasuka (ប្រ៊ុយណេ)
វគ្គជម្រុះ Play Off Round នឹងធ្វើឡើងនៅថ្ងៃទី២៣ ខែសីហា ឆ្នាំ២០២៣ ដោយ៖
គូទី១៖ Tampines Rovers (សិង្ហបុរី) ប៉ះ អ្នកឈ្នះរវាង ភ្នំពេញក្រោន និងYoung Elephants
គូទី២៖ PSM Makassar (ឥណ្ឌូណេស៊ី) ប៉ះ អ្នកឈ្នះរវាង Yangon United និង Kasuka៕
