សិល្បៈជាតិ៖ ម្ចាស់មកុដ Miss Supra Cambodia 2023 កញ្ញា ជីលី ទេវី បានចេញដំណើរពីព្រលានយន្តហោះអន្តរជាតិភ្នំពេញ ឆ្ពោះទៅប្រទេសប៉ូឡូញ នៅរសៀលថ្ងៃទី ២៥ ខែមិថុនា ឆ្នាំ ២០២៣ ដើម្បីចូលរួមប្រកួតនៅលើវិការ Miss Supranational លំដាប់អន្តរជាតិ។
គេនិយាយបានថា នេះជាលើកទី ២ ហើយដែលកញ្ញា ជីលី ទេវី បានឈានជើងចូលប្រកួតនៅលើឆាកអន្តរជាតិ ជាមួយនឹងបទពិសោធន៍ដែលកញ្ញាធ្លាប់ជោគជ័យបានមួយកម្រិត នៅក្នុងតំណែង Top 20 ដែលជាការបើកទំព័រប្រវត្តិសាស្ត្រថ្មីមួយក្នុងវិស័យ Beauty Pageant ក្នុងប្រទេសកម្ពុជា។
ក្នុងការប្រកួត Miss Supranational International នៅក្នុងឆ្នាំនេះ កញ្ញា ជីលី ទេវី មានមហិច្ឆតាចង់ឈ្នះមកុដ ហើយកញ្ញាបានប្រឹងប្រែងក្នុងការដុសខាត់សមត្ថភាពខ្លួនជារៀងរាល់ថ្ងៃ។ កញ្ញា ជីលី ទេវី បានបង្ហាញអារម្មណ៍របស់ខ្លួនថា ការចេញទៅប្រកួតសំខាន់លើភាពជឿជាក់ កុំគិតថាខ្លួនមិនស្អាតឱ្យព្រោះមនុស្សមិនល្អគ្រប់ ១០ នោះទេ។ កញ្ញាបន្តថា វេទិការ Miss Supranational International មិនផ្ដោតសំខាន់ទៅលើភាសាជាចំបងទេ ប៉ុន្តែគេមើលលើអត្តចរិតអកប្បកិរិយា រួមទាំងចំនេះចំនាញរបស់បេក្ខភាពទៅវិញទេ។
កញ្ញ ជីលី បន្តថា នៅពេលត្រឡប់មកពីប្រកួតវិញ កញ្ញានឹងឈប់ពីវិស័យបវរកញ្ញាហើយ ហើយនាងក៏មិនចូលរួមប្រកួតក្នុងកម្មវិធីណាមួយទៀតដែរ នាងមានគម្រោងធំៗ ៣ បន្ទាប់ពីត្រឡប់មកពីការប្រកួត ។
សូមជម្រាបផងដែរថា ការប្រកួត Miss Supranational International នឹងក្នុងអំឡុងខែ កក្កដា ខាងមុខនេះដែលប្រទេសប៉ូឡូញជាផ្ទះ។ កញ្ញានៅតែត្រូវការលើកទឹកចិត្ត ការគាំទ្រពីសំណាក់ហ្វេនអ្នកគាំទ្រកម្ពុជាគ្រប់រូប បើទោះបីកញ្ញាមិនចង់ឱ្យហ្វេនរំពឹងខ្ពស់លើរូបកញ្ញាក្នុងការចូលទៅដណ្ដើមមកុដនាលើកនេះក្ដី។ ទោះលទ្ធផលយ៉ាងណា ក៏កញ្ញា ជីលី ទេវី នៅតែទទួលបានជានិច្ច៕
