កីឡាករ PEOU SOENGHOUR ទទួលបានចំណាត់ថ្នាក់លេខ១ ក្នុងការប្រកួតកីឡា E-Sport ប្រភេទវិញ្ញាសា eFootball-Mobile ក្រោយយកឈ្នះកីឡាករ SENG TRI នៅវគ្គផ្តាច់ព្រ័ត្រ កាលពីថ្ងៃទី២៥ មិថុនា កន្លងទៅ។
ដូចនេះ PEOU SOENGHOUR គឺជាកីឡាករតំណាងឲ្យកម្ពុជា ទៅចូលរួមប្រកួតពានរង្វាន់អាស៊ីអាគ្នេយ៍ IFel South East Asia 2023 នៅទីក្រុងហ្សាកាតា ប្រទេសឥណ្ឌូនេស៊ី ដែលនឹងមានការចូលរួមពីកីឡាករជើងខ្លាំងតំណាងប្រទេសក្នុងតំបន់អាស៊ីអាគ្នេយ៍ចំនួន ៨ ចូលរួមផងដែរ។
ដោយលែកសម្រាប់កីឡាករ ម៉ូត លី (Mot Ly) ដែលទទួលបានចំណាត់ថ្នាក់លេខ ១ ក្នុងប្រភេទវិញ្ញាសា eFootball-Console បន្ទាប់ពីការប្រកួតដ៏ស្វិតស្វាញ នាថ្ងៃទី២៤ មិថុនា សហព័ន្ធកីឡាអេឡិចត្រូនិកកម្ពុជា (EFC) បានប្រកាសរកឃើញកីឡាករជើងឯក វិញ្ញាសា eFootball-Console ហើយ៕