យោងតាមចុះការផ្សាយរបស់គេហទំព័ The Star Time កាលពីថ្ងៃទី២៦ ខែមិថុនា ឆ្នាំ២០២៣ កន្លងទៅបានឱ្យដឹងថាព្រឹត្តិការណ៍កីឡាអូឡាំពិក ឆ្នាំ២០២៤ ដែលនឹងរៀបចំឡើងនៅទីក្រុងប៉ារីសប្រទេសបារាំង នឹងមិនអនុញ្ញាតឱ្យលក់ ឬនាំគ្រឿងស្រវឹងចូលក្នុងបរិវេណណាមួយនៃកន្លែងប្រកួតឡើយ តែផ្ទុយទៅវិញបែរជាអនុញ្ញាតឲ្យមានសេវាកម្មលក់គ្រឿងស្រវឹងនេះនៅក្នុងតំបន់ពិសេសទៅវិញ (តំបន់ VIP) ។
យ៉ាងណាមិញមានមតិអ្នកគាំទ្រជាច្រើន ជាពិសេសអ្នកគាំទ្រនៃប្រទេសបារាំង ដែលជាម្ចាស់ផ្ទាល់បានស្នើរសុំឱ្យមានការលក់ ឬនាំចូលគ្រឿងស្រវឹងចូលដូចដើម ព្រោះយោងតាមបទពិសោធន៍នៃការរៀបចំធ្វើជាម្ចាស់ផ្ទះនៃព្រឹត្តិការណ៍ធំៗកន្លងមក ដូចជា ការប្រកួតបាល់ទាត់ពានរង្វាន់តំបន់អឺរ៉ុប Euro ២០១៥ និងពានរង្វាន់បាល់ឱប នៅឆ្នាំ២០២៣ ដោយសុំឲ្យអ្នករៀបចំព្រឹត្តិការណ៍នេះមានការលើកលែងដែរ។
ម៉្យាងទៀតនោះ ការដែលអនុញ្ញាតឱ្យនាំគ្រឿងស្រវឹងសម្រាប់តែតំបន់ VIP នេះហាក់ដូចជាមិនមានភាពស្នើរគ្នា រវៀងអ្នកគាំទ្រដូចគ្នា គ្រាន់តែខុសតំបន់គ្នាតែប៉ុណ្ណោះ។
ដោយឡែក អ្នកស្រី Agnès Buzyn រដ្ឋមន្ត្រីក្រសួងសុខាភិបាលនៃប្រទេសបារាំង បានផ្តល់យោបល់ថា គ្រឿងស្រវឹងក៏គួរតែត្រូវបានហាមឃាត់ពីតំបន់ VIP ដូចគ្នាដែរ ប៉ុន្តែគំនិតរបស់នាងត្រូវបានបដិសេធ។
ចំណែកឯព្រឹត្តិការណ៍កីឡាអូឡាំពិក ចុងក្រោយដែលបានរៀបចំនៅទីក្រុងតូក្យូ ប្រទេសជប៉ុន ឆ្នាំ២០២០ ប៉ុន្តែលើកមករៀបចំនៅឆ្នាំ២០២១ កន្លងទៅ គ្រឿងស្រវឹងក៏ត្រូវបានហាមប្រាមក្នុងកីឡដ្ឋាននៃប្រកួតផងដែរ ប៉ុន្តែចុងក្រោយអ្នកទស្សនារមិនត្រូវបានអនុញ្ញាតិឱ្យចូលរួមក្នុងទីលានប្រកួតដោយសារជំងឺរាតត្បាត COVID-19។
សូមបញ្ជាក់ថា ព្រឹត្តិការណ៍កីឡាអូឡាំពិក ដែលប្រទេសបារាំងទទួលសិទ្ធរៀបចំធ្វើជាម្ចាស់ផ្ទះ ឆ្នាំ២០២៤ នឹងចាប់ផ្តើមពិធីបើកជាផ្លូវការនៅថ្ងៃទី២៦ ខែកក្កដា ហើយនឹងគ្រោងបិទបញ្ជប់នៅថ្ងៃទី១១ ខែកញ្ញា ឆ្នាំ២០២៤ ដោយមាន ៣២ប្រភេទកីឡា។
គួរឱ្យដឹងថាព្រឹត្តិការណ៍កីឡាអូឡាំពិក បង្តើតឡើងដំបូងនៅឆ្នាំ១៨៩៦ បើគិតមកដល់ពេលបច្ចុប្បន្ននេះគឺមានអាយុកាល ១២៧ឆ្នាំ ហើយប្រទេសដែលទទួលបានសិទ្ធរៀបចំដំបូងគេនោះគឺប្រទេសក្រិក ស្របពេលដែលសហរដ្ឋអាមេរិក គឺជាប្រទេសដែលឈ្នះមេដាយច្រើនជាងគេ សរុប ២៦២៩គ្រឿង មាស១០៦០គ្រឿង ប្រាក់៨៣១ សំរិទ្ធ៧៣៨គ្រឿង៕