«ធ្វើខ្លួនឱ្យធំជាងបញ្ហា» សំនៀងរបស់តារាចម្រៀង ឆាយ វីរៈយុទ្ធ គឺជាបទចម្រៀងតម្រូវស្ថានភាពតានតឹងក្នុងសង្គម បានចេញផ្សាយឱ្យគាំទ្របានស្ដាប់កម្សាន្តតាំងពីថ្ងៃទី១៨ ខែធ្នូ ឆ្នាំ២០២០ បានត្រលប់មកមានការគាំទ្រខ្លាំងជាថ្មីទៀតនៅពាក់កណ្ដាលឆ្នាំ២០២១ នេះ ក្រោយលោក ឆាយ វីរៈយុទ្ធបានបង្ហោះចែករំលែកចាស់របស់ខ្លួនមួយនេះលើផេករបស់លោក។
បទចម្រៀងដែលបានចេញផ្សាយឱ្យអ្នកគាំទ្របានស្ដាប់និងទស្សនាកម្សាន្តតាំងពីឆ្នាំ២០២០ «ធ្វើខ្លួនឱ្យធំជាងបញ្ហា» ស្ដាប់តាមអត្ថន័យបទនេះ ពិតជាបទមួយ ពីរោះមានអត្ថន័យអប់រំល្អ គួរឱ្យចង់ស្ដាប់ ម្យ៉ាងវិញទៀតក៏ជាបទចម្រៀងលើកទឺកចិត្តមួយដ៏ល្អ ដែលស័ក្ដិសមនឹងស្ដាប់កម្សាន្តបន្ធូរបន្ថយអារម្មណ៍តានតឹង ខណៈដែលជំងឺកូវីដ-១៩ នៅតែបន្តរាតត្បាតខ្លាំងធ្វើឱ្យមនុស្សមួយចំនួនជួបប្រទះនឹងឧបសគ្គស្មុគស្មាញជាច្រើន ដែលបង្កឱ្យកើតមានបញ្ហា សុខភាពផ្លូវកាយ និង ផ្លូវចិត្ត ធ្វើឱ្យសតិអារម្មណ៍ទន់ខ្សោយ។
ក្រោយសាមីខ្លួនលោក ឆាយ វីរៈយុទ្ធ បានយកបទចម្រៀងចាស់របស់ខ្លួនខាងលើមកចែករំលែក (Share) ឡើងវិញលើបណ្ដាញសង្គមហ្វេសប៊ុករបស់លោកធ្វើឱ្យមានអ្នកគាំទ្រជាច្រើនចូលមក Comment Share និង Like បទចម្រៀងរបស់យ៉ាងច្រើនរហូតធ្វើឱ្យបទចម្រៀងមួយនេះត្រលប់មកទទួលបានការពេញនិយម ជាថ្មីម្ដងទៀត។ ក្នុងនោះមតិភាគច្រើនបានសរសើរចំពោះបទចម្រៀងមួយនេះនិងអរគុណដែលមានបទចម្រៀងលើកទឹកចិត្តបែបនេះ។
ស្ដាប់កម្សាន្តបទចម្រៀង «ធ្វើខ្លួនឱ្យធំជាងបញ្ហា» ខាងក្រោម៖