កុមារា ឡុង លីងគ័ង្គ តារាចម្រៀងវ័យក្មេងប្រចាំផលិតកម្ម ហង្សមាស និង រស្មីហង្សមាស ដែលបានសាងភាពល្បីល្បាញ និងប្រជាប្រិយពីវេទិកាប្រកួតកម្មវិធីប្រឡងចម្រៀង «The Voice Kid Cambodia» បានធ្វើឱ្យអ្នកគាំទ្រកាន់តែលង់ស្រលាញ់ដកចិត្តមិនរួចពីអាយដលតូចរូបនេះកាន់តែខ្លាំងឡើងថែមទៀត នៅពេលក្មួយប្រុសឆ្លៀតចែកអំណោយដល់បងប្អូនប្រជាពលរដ្ឋដែលកំពុងជួបការខ្វះខាត ខណៈក្មួយបានទៅចុះថតរឿងនោះតំបន់នោះ។
យោងតាមការបង្ហោះលើផេករបស់ក្មួយប្រុស ឡុង លីងគ័ង្គ បានឱ្យដឹងថាក្មួយប្រុសកំពុងតែថតរឿងថ្មីដែលរឿងនោះ ក្មួយសម្ដែងជាតួអង្គកុមាររើសសំរាម មានជីវិតខ្សត់ ដូច្នេះប្រាកដណាស់ ការថតច្បាស់ជាទៅកាន់ទីតាំងពិតៗ ដើម្បីផ្ដិតយកទិដ្ឋភាពពិតសម្រាប់ជាចំណីចក្ខុជូនអ្នកទស្សនា ហើយនេះក៏ជាដើមចមនាំឱ្យកុមារាមាឌតូច តែមានទឹកចិត្តធំថ្លៃថ្លាមហិមារូបនេះបានមានឱកាសចុះចែកនូវអំណោយ បានមកពីការចូលរួមការឧបត្ថម្ភជាថវិកាពីបងប្អូនសប្បុរសជននានា យកទៅទិញជាសម្ភារៈចែកជូនដល់បងប្អូនកំពុងលំបាកនៅទីនោះ។
«អូនមកថតរឿងថ្មី ហេីយឆ្លៀតចូលរួមជួយពួកគាត់ខ្លះ សូមអគុណនូវទឹកចិត្តបងប្អូន ដែលបានចូលរួមជួយដល់ក្មេងៗចាស់ៗនៅគំនរសំរាម សូមអរគណបង siv jing20$ បងថៅកែឡានD&D50$បងស្រីអ្នកលក់មាសផ្សារកណ្ដាល10$ បានទិញជាសំភារៈមួយចំនួនចែកដល់ពួកគាត់ហេីយសល់ខ្លះទៀតចាំអូនទុកជួួយដល់អ្នកក្រខ្សត់បន្តទៀត។ សូមជូនពរពុកម៉ែបងប្អូនមានសុខភាពល្អ សំណាងល្អ រកស៊ីមានបានជៀសផុតពីជំងឺកូវីត១៩ទាំងអស់គ្នា
️»
