អាហារតាមផ្លូវ៖ មេឃភ្លៀងត្រជាក់ៗ មិនដឹងទៅណា ឬចេញទៅញ៉ាំអីមែនទេ? ចង់ញ៉ាំអាហារជូរផ្អែមហឹរដែរទេ? ថ្ងៃសារព័ត៌មានត្រយង នាំអារម្មណ៍ហ្វេនទាំងអស់គ្នាមកស្គាល់តូបអាហារបែបញាំ ជ្រក់ ជូរផ្អែមហឹរមួយកន្លែង ដែលយុវវ័យគ្រប់ស្រទាប់កំពុងតែពេញនិយម ហើយតូបមួយនេះលក់ដាច់ខ្លាំងតែម្ដង។
នោះគឺតូបអាហារតាមផ្លូវនៅម្ដុំក្បែរមន្ទីរពេទ្យកុមារជាតិ ខាងក្រោយសាលា ស៊ីតិច ផ្លូវសហព័ន្ធ រុស្ស៊ី ខណ្ឌទួលគោក ភ្នំពេញយើងនេះ មានឈ្មោះថា Homy Yummy ។ កន្លែងនេះមានអាហារឆ្ងាញ់ៗសម្រាប់អ្នកចូលចិត្តញ៉ាំចិបចុបញ៉ាំនេះញ៉ាំនោះ តិចៗ ដូចជា ជ្រក់ជើងទា ណែមត្រីឆ្លាតជូរហឹរ ត្រីសាលមុន អយស្ទ័រក្រឡុក ក្តាមពងជ្រក់ បង្គាក្រៀម និងមឹកក្រៀម ហើយជាពិសេសអាចញ៉ាំកំដរជាមួយភេសជ្ជៈត្រជាក់ៗបានយ៉ាងឆ្ងាញ់ទៀតផង។
តូបអាហារមួយនេះមានបើកលក់ចាប់ពីម៉ោង ៤ រសៀល ដល់៩យប់ លេខទូរស័ព្ទ ៖ 093 309 500 និងផែនទី ៖ https://goo.gl/maps/XcQmKxhNgSE9Acu36 ឬអាចកុម្ម៉ង់តាម App អាហារផ្សេងៗក៏បាន៕
