ខេត្តកំពង់ធំ បន្តតំណែងជាក្រុមមិនដែលចាញ់សោះឆ្លងកាត់ ៤ប្រកួតកន្លងមក ក្រោយយកឈ្នះមណ្ឌលគិរី ក្នុងលទ្ធផល ៣-០ នៅទីលានសាលាបឋមសិក្សា ហ៊ុនសែន សែនមនោរម្យ ដែលប្រកួតនេះបានលើកមកប្រកួតនៅក្នុងសប្តាហ៍ទី១០ ក្រោយខកខាននៅសប្ដាហ៍ទី៩។
ដោយឡែក សម្រាប់ថ្ងៃនេះដូចគ្នា ត្បូងឃ្មំ ជាក្រុមដែលមិនទាន់ស្គាល់បរាជ័យដូចគ្នា ដោយបន្តឈ្នះកំពង់ចាម ក្នុងលទ្ធផល ១-០ ។ ដូចនេះឆ្លងកាត់ ៥ប្រកួតឈ្នះទាំង៥ ឈរ កំពូល តារាង ពូល ខ មាន ១៥ពិន្ទុពេញ។ ខណ:ស្វាយរៀង ឈ្នះកំពង់ឆ្នាំ ។
ខណ:មួយគូទៀតគឺខេត្តស្វាយរៀង បានយកឈ្នះ មន្ទីរ អយក ខេត្តកំពង់ឆ្នាំង ក្នុងលទ្ធផល ៥-២ នៅទីលានវិទ្យាល័យស្វាយរៀង ដោយឆ្លងកាត់ ៤ប្រកួត ឈ្នះ១ ស្មើ១ ចាញ់២ ឈរលេខ ៤ពូល ខ មាន ៤ពិន្ទុ។
ក្រុមទាំង ៣ ដែលមិនទាន់ចាញ់សោះ គិតត្រឹមបញ្ចប់ការវប្រកួតនៅថ្ងៃនេះ៖
- ក្លិបបាល់ទាត់សន្តិភាព ខេត្តកំពង់ធំ ឆ្លងកាត់ ៤ប្រកួត ឈ្នះ៤ ឈរកំពូលតារាងពូល ឃ មាន ១២ពិន្ទុ
- មន្ទីរ អយក ខេត្តត្បូងឃ្មុំ ឆ្លងកាត់ ៥ប្រកួត ឈ្នះ៥ ឈរកំពូលតារាងពូល ខ មាន ១៥ពិន្ទុ
- ភ្នំពេញហ្គាឡាក់ស៊ី ឆ្លងកាត់ ៤ប្រកួត ឈ្នះ២ ស្មើ២ ឈរកំពូលតារាង ពូល ក មាន ៨ពិន្ទុ៕