ក្លិបបាល់ទាត់ Hyderabad FC សមាជិកលីគកំពូលឥណ្ឌា Indian Super League បានប្រកាសតែងតាំងលោក Conor Nestor ជាគ្រូបង្វឹក First-team coach ត្រៀមសម្រាប់រដូវកាល ២០២៣-២៤ ដែលគ្រោងនឹងចាប់ផ្តើមនៅខែកញ្ញា ឆ្នាំ២០២៣ រហូតដល់ខែមីនា ឆ្នាំ២០២៤។
លោក Conor Nestor គ្រូបង្វឹកកម្រិត UEFA A Licence បានចំណាយពេលរយ:ពេល ៥ឆ្នាំដឹកនាំក្រុមព្រះខ័នរាជស្វាយរៀង ចាប់ពីឆ្នាំ ២០១៨ រហូតដល់ដើមឆ្នាំ ២០២៣ នៅលីគកំពូលកម្ពុជា ជួយឲ្យទទួលបានតំណាត់ថ្នាក់ដូចជា៖
-២០១៨ ទទួលបានលេខ៦
-២០១៩ ឈ្នះជើងឯក (ឈ្នះពានជាគ្រូបង្វឹកល្អប្រចាំឆ្នាំ)
-២០២០ ជើងឯករង
-២០២១ ជើងឯករង
-២០២២ ទទួលបានលេខ៣។
ដោយឡែកសម្រាប់ការប្រកួតក្នុងពានរង្វាន់ សម្តេចអគ្គមហាសេនាបតីតេជោ ហ៊ុន សែន វិញក្រុមព្រះខ័នរាជស្វាយរៀង ក្រោមការដឹកនាំរបស់លោក Conro Nestor បានត្រឹមជើងឯករង នៅឆ្នាំ២០១៩ និងឆ្នាំ ២០២១ ខណ:នៅឆ្នាំ២០១៨, ២០២០, ២០២១ និង២០២២ កន្លងមកនេះ ធ្លាក់ក្នុងវគ្គ៨ក្រុមចុងក្រោយដូចគ្នា។
ខណ:ក្លិបបាល់ទាត់ព្រះខ័នរាជស្វាយរៀង បានប្រកាសតែងតាំងគ្រូបង្វឹកថ្មីគឺលោក Pep Munoz វ័យ៤៣ឆ្នាំ ជនជាតិសញ្ជាតិអេស្ប៉ាញ ដែលកាន់អាជ្ញាប័ណ្ណកម្រិតយូហ្វាប្រូឡាយសិន។
ចំពោះបទពិសោធន៍ការងារជាគ្រូបង្វឹបរយ:ពេលជាង១៩ឆ្នាំ ខណ:លោក Pep បានចាប់ផ្តើមអាជីពជាគ្រូបង្វឹកដំបូងនៅក្រុម UE Lleida ក្នុងប្រទេសអេស្ប៉ាញមុនទៅចូលរួមជាមួយក្លិបយក្ស FC Barcelona។
លោក Pep ចំណាយរយ:ពេល៤ឆ្នាំជាមួយ U19 និង Barcelona B លោកបានជួយឲ្យក្រុមឈ្នះពានរង្វាន់ U19 UEFA Champion League ១ដង និងឈ្នះពានលីគ២ដង មុនទៅកាន់ប្រទេសចិន ដែលជាកន្លែងលោកចំណាយពេល ៧ឆ្នាំដឹកនាំក្រុមជាច្រើននៅប្រទេសចិនដូចជា Huanghai FC, Shandong Fc និងក្រុមជម្រើសជាតិចិន៕
