កាលពីថ្ងៃទី១១ ខែកក្កដា សហព័ន្ធកីឡាអេឡិចត្រូនិកកម្ពុជា (EFC) បានបញ្ជូនកីឡាករជម្រើសជាតិកីឡាអេឡិចត្រូនិក កម្ពុជា អ្នកចម្បាំងអង្គរ (Angkor Warriors) ក្នុងប្រភេទវិញ្ញាសា eFootball-Console ១រូប និងវិញ្ញាសា eFootball-Mobile ១រូប ទៅចូលរួមការប្រកួតក្នុងកម្មវិធី IFeL South East Asia Championship 2023 សាធារណរដ្ឋឥណ្ឌូនេស៊ី (Indonesia)។
សមាសភាពកីឡាករជម្រើសជាតិកីឡាអេឡិចត្រូនិកកម្ពុជារួមមាន៖
១. លោក ម៉ូត លី កីឡាករ
កីឡាករ ម៉ូត លី (Mot Ly) ដែលទទួលបានចំណាត់ថ្នាក់លេខ ១ ក្នុងប្រភេទវិញ្ញាសា eFootball-Console បន្ទាប់ពីការប្រកួតដ៏ស្វិតស្វាញ នាថ្ងៃទី២៤ មិថុនា កន្លងទៅ។
២. លោក ពៅ សឹងហួរ កីឡាករ
កីឡាករ ពៅ សឹងហួរ ទទួលបានចំណាត់ថ្នាក់លេខ១ ក្នុងការប្រកួតកីឡា E-Sport ប្រភេទវិញ្ញាសា eFootball-Mobile នៅវគ្គផ្តាច់ព្រ័ត្រ កាលពីថ្ងៃទី២៥ មិថុនា កន្លងទៅ។
កម្មវិធី IFeL South East Asia Championship 2023 ចាប់ផ្តើមពីថ្ងៃទី១២ ដល់ថ្ងៃទី១៧ ខែកក្កដា ឆ្នាំ២០២៣ នៅរដ្ឋធានីហ្សាកាតា (Jakarta) សាធារណរដ្ឋឥណ្ឌូនេស៊ី (Indonesia) ដែលនឹងមានការចូលរួមពីកីឡាករជើងខ្លាំងតំណាងប្រទេសក្នុងតំបន់អាស៊ីអាគ្នេយ៍ចំនួន ៨ ចូលរួមផងដែរ៕