ក្រុមជម្រើសជាតិអ្នកចម្បាំងអង្គរ (Angkor Warriors) កម្ពុជា បានឡើងទៅកាន់វគ្គ Lower Bracket Semi-Final ក្រោយឆ្លងកាត់ការប្រកួតជម្រុះក្នុងវគ្គ Playoff ចាញ់ក្រុមហ្វីលីពីន និងឈ្នះកាហ្សាក់ស្ថាន ក្នុងកម្មវិធី Gamers8 Asia Championship នៅ រដ្ឋធានី រីយ៉ាត (Riyadh) ព្រះរាជាណាចក្រអារ៉ាប៊ីសាអ៊ូឌីត (Saudi Arabla) កាលពីថ្ងៃទី១២ កក្កដា ម្សិលមិញ។
ដូចនេះ ក្រុមជម្រើសជាតិអ្នកចម្បាំងអង្គរ (Angkor Warriors) កម្ពុជា នឹងត្រូវរង់ចាំក្រុមដែលត្រូវប្រកួតគ្នានៅវគ្គ Upper Bracket Semi-Final រវាងក្រុមម៉ុងហ្គោលី និងហ្វីលីពីន នៅថ្ងៃនេះ។
ចំពោះកាលវិភាគប្រកួត ក្រុមម៉ុហ្គោលី ជួបក្រុមហ្វីលីពីន នៅថ្ងៃនេះ វេលាម៉ោង ៤:០០នាទីរសៀល (ម៉ោងនៅកម្ពុជា) ក្រុមឈ្នះឡើងទៅកាន់វគ្គផ្ដាត់ព្រ័ត្រ ខណ:ក្រុមដែលចាញ់ នឹងត្រូវធ្លាប់មកជួបក្រុមកម្ពុជា នៅម៉ោង ៥:២០នាទីល្ងាច ដើម្បីដណដើមកៅអីទៅកាន់វគ្គផ្ដាច់ព្រ័ត្រ ដែលត្រូវប្រកួត នៅម៉ោង ៦:២០នាទីរាត្រីនេះផងដែរ។
សម្រាប់ពានរង្វាន់ដែលបានក្លាយជាម្ចាស់ជើងឯកនៅក្នុងកម្មវិធី Gamers8 Asia Championship មានដូចខាងក្រោម៖
- ក្រុមជើងឯក ទទួលបានទឹកប្រាក់ ៧ ០០០ដុល្លារ
- ក្រុមលេខ២ ទទួលបានទឹកប្រាក់ ៣ ៥០០ដុល្លារ
- ក្រុមលេខ៣ ទទួលបានទឹកប្រាក់ ២ ០០០ដុល្លារ
យ៉ាងណា ក្រុមជម្រើសជាតិអ្នកចម្បាំងអង្គរ (Angkor Warriors) កម្ពុជា បានកក់កៅអីទៅកាន់ការប្រកួតកម្រិតពិភពលោក IESF World Esport Championships វិញ្ញាសា MLBB ដែលនឹងរៀបចំនៅទីក្រុង IASI ប្រទេស Romania រួចរាល់ ដោយការប្រកួតព្រឹត្តិការណ៍ 15th IESF World Championship 2023 នឹងត្រូវធ្វើឡើងនៅទីក្រុង IASI ប្រទេសរ៉ូម៉ានី ដែលគ្រោងចាប់ផ្ដើមនៅថ្ងៃទី ថ្ងៃទ២៥ ខែសីហា ដល់ថ្ងៃទី០៣ ខែកញ្ញាឆ្នាំ២០២៣៕