ម្ចាស់ផ្ទះថៃ សម្រេចប្រើផ្កាអ័រគីដេក្រហម ដែលរកចំណូល ឱ្យខ្លួនជាង៥០ លានដុល្លារ ក្នុង១ឆ្នាំ ជូនអត្តពលិកជ័យលាភី ដែលបានប្រកួតកីឡាអត្តពលកម្មជ្រើសរើសជើងឯកអាស៊ី ឆ្នាំ២០២៣ លើកទី២៥ (2023 Asian Athletics Championship)។
ផ្កានេះ ត្រូវបានជ្រើសរើសសម្រាប់អត្ថន័យពិសេសដែលត្រូវបានបំផុសគំនិតដោយ “ពណ៌នៃសេរីភាព” ទង់ជាតិរបស់ប្រទេសថៃ ពណ៌ក្រហមត្រូវបានតំណាងឱ្យជាតិ ចំណែកឯពណ៌សគឺសម្រាប់ច្បាប់សាសនា និងភាពបរិសុទ្ធនៃសាសនា ហើយពណ៌ខៀវតំណាងឱ្យស្ថាប័នរាជវង្សដែលដឹកនាំប្រទេស។
អត្ថបទពាក់ព័ន្ធ៖ក្រោយឈ្នះមេដាយនៅស៊ីហ្គេម ឈុន ប៊ុនថន ត្រៀមដណ្ដើមមេដាយប្រចាំទ្វីប នៅលើទឹកដីថៃ
រំលឹកថា ថៃ បាននាំចេញផ្កាអ័រគីដេ លំដាប់លេខមួយរបស់ពិភពលោកនេះ ក្នុង១ឆ្នាំ ដែលអាចរកចំណូលបានជាង ៥០ លានដុល្លារ។ ផ្កាអ័រគីដេក្រហម តំណាងឱ្យភាពក្លាហាន និងភាពរឹងមាំ វាត្រូវបានគេប្រើជូនអត្តពលិកជ័យលាភី ដែលបានប្រកួតកីឡាអត្តពលកម្មជ្រើសរើសជើងឯកអាស៊ី ឆ្នាំ២០២៣ (2023 Asian Athletics Championship)។
គិតត្រឹមថ្ងៃទី១៣ កក្កដា ឆ្នាំ២០២៣ នេះ ប្រកួតកីឡាអត្តពលកម្មជ្រើសរើសជើងឯកអាស៊ី ឆ្នាំ២០២៣ បានរកឃើញម្ចាស់មេដាយមាស ចំនួន ៦គ្រឿងរួចហើយ គឺជប៉ុន ៤គ្រឿង, ចិន ១គ្រឿង និងម្ចាស់ផ្ទះថៃ ១គ្រឿង ខណៈវិញ្ញាសាចំនួន៤៣ ដាក់ឱ្យអត្តពលិកមកពីជុំវិញទ្វីបប្រកួតប្រជែងដណ្តើមមេដាយ។
គួរបញ្ជាក់ថា ព្រឹត្តិការណ៍ប្រកួតកីឡាអត្តពលកម្មជ្រើសរើសជើងឯកអាស៊ី ឆ្នាំ២០២៣ (2023 Asian Athletics Championship) ដែលថៃធ្វើជាម្ចាស់ផ្ទះ ប្រព្រឹត្តិទៅនៅទីក្រុងបាងកក ប្រទេសថៃ ដែលការប្រកួតចាប់ពីថ្ងៃទី១២ ដល់ទី១៦ ខែកក្កដា ឆ្នាំ២០២៣៕