ក្រុមកីឡាករជម្រើសជាតិកីឡាអេឡិចត្រូនិក កម្ពុជា អ្នកចម្បាំងអង្គរ (Angkor Warriors) ក្នុងប្រភេទវិញ្ញាសា eFootball-Console និងវិញ្ញាសា eFootball-Mobile បញ្ចប់ភារកិច្ចត្រឹមវគ្គសន្សំពិន្ទុ ដោយឈរលើលេខរៀងទី៧ ក្នុងតារាង ក្នុងការចូលរួមប្រកួតក្នុងកម្មវិធី IFeL South East Asia Championship 2023 សាធារណរដ្ឋ (Indonesia)។
ដោយឆ្លងកាត់វគ្គសន្សំពិន្ទុ ប្រកួតចំនួន ៧ជុំជាលទ្ធផល ជម្រើសជាតិអ្នកចម្បាំងអង្គររបស់កម្ពុជាយើង គឺកីឡាករ ម៉ូត លី និងកីឡាករ ពៅ សឹងហួរ មិនបានបន្តទៅកាន់វគ្គ Knock Out បានទេ គឺត្រូវបញ្ចប់ភារកិច្ចត្រឹមវគ្គសន្សំពិន្ទុ ដោយឈរលើលេខរៀងទី៧ ក្នុងតារាង។ ទោះជាលទ្ធផលលើកនេះមិនទាន់ល្អ តែនេះគឺជាបទពិសោធន៍ថ្មីមួយសម្រាប់វិស័យកីឡាអេឡិចត្រូនិក វិញ្ញាសា eFootball។
ក្រោយបញ្ចប់ការប្រកួតអស់រយ:ពេល ៤ថ្ងៃ បានរកឃើញក្រុមជើងឯក គឺបានទៅលើប្រទេសថៃ ខណៈជើងឯករងបានលើម្ចាស់ផ្ទះឥណ្ឌូណេស៊ី។ ខាងក្រោមនេះជាលទ្ធផលនៃការប្រកួតទាំង៧ជុំ ស្មើនឹង១៤ ប្រកួត Console ៧ ប្រកួត និង Mobile ៧ ប្រកួត ក្នុងពានរង្វាន់ IFel South East Asia Championship 2023៖
សូមជម្រាបថា ព្រឹត្តិការណ៍ Ifel South East Asia Championship មានប្រទេស ៨ ចូលរួមប្រកួត មានដូចជា កម្ពុជា, ម៉ាឡេស៊ី, ឥណ្ឌូណេស៊ី, វៀតណាម, មីយ៉ាន់ម៉ា, ប្រ៊ុយណេ, ថៃ និងឡាវ ការបករកួតបានប្រព្រឹត្តិទៅកាលពីថ្ងៃទី១៣ ដល់ ១៦ ខែកក្កដា ឆ្នាំ២០២៣ ប្រកួតលើវិញ្ញាសា eFootball-Console និងវិញ្ញាសា eFootball-Mobile៕
