ដំណើរទស្សនកិច្ចរបស់សិស្សសាលារៀនប្រាយថេន នៅកីឡដ្ឋានព្រីនស៍ របស់ក្លិបបាល់ទាត់វិសាខា បានបង្កើតកំណត់ត្រាថ្មីដំបូងគេបង្អស់មិនធ្លាប់មានពីមុនមកនៅក្នុងប្រទេសកម្ពុជា ដែលក្លិបអាជីព អាចបើកឱ្យមានភ្ញៀវចូលទស្សនកិច្ចក្នុងកីឡដ្ឋានរបស់ខ្លួន។
ក្នុងដំណើរទស្សនកិច្ចរបស់សិស្សសាលារៀនប្រាយថេន ក្រៅពីទស្សនាហេដ្ឋានរចនាសម្ព័ន្ធសំខាន់ ទាំងក្នុង និងក្រៅទីលាន ដែលសម្របសម្រួលដោយក្រុមការងារក្លិបបាល់ទាត់វិសាខា ក៏មានការថតរូបអនុស្សាវរីយ៍ជាមួយកីឡាករ ទេស សម្បត្តិ និង ហ៊ុល គឹមហ៊ុយ ផងដែរ។
គួរដឹងថាកីឡដ្ឋានព្រីនស៍ របស់ក្លិបបាល់ទាត់វិសាខា បានទទួលរៀបចំពានរង្វាន់បាល់ទាត់ប្រចាំតំបន់អាស៊ាន AFF U23 Championship ឆ្នាំ ២០២៣ ជាពិសេសគឺព្រឹត្តិការណ៍កីឡាស៊ីហ្គេម ឆ្នាំ២០២៣ ដែលប្រទេសកម្ពុជាទទួលធ្វើជាម្ចាស់ផ្ទះ វិញ្ញាសាបាល់ទាត់បុរសពូល B ចំនួន១០ប្រកួត ក្រោយផ្លាស់ប្តូរស្មៅថ្មី បន្ទប់ VIP ដើម្បីលើកកម្ពស់ក៏ដូចជាសោភ័ណភាព និងគុណភាពទីលានឲ្យកាន់តែស្រស់ស្អាត និងល្អប្រសើរបន្ថែមទៀត៕