ពានរង្វាន់បាល់ទះបុរសប្រចាំតំបន់អាស៊ាន SEA V.League លើកដំបូង ដែលមានក្រុមចំនួន៤ ចុះឈ្មោះប្រកួតប្រជែងបានរកឃើញម្ចាស់ជើងឯកហើយ ក្នុងជើងទី១ ដែលបញ្ចប់ថ្មីៗនេះនៅទីក្រុង Bogor ប្រទេសឥណ្ឌូណេស៊ី ក្រោយប្រកួតវិលជុំសរុបចំនួន៦ប្រកួត។
ក្រុមជើងឯកឥណ្ឌូណេស៊ី
ក្រុមទាំង៤ត្រូវប្រកួតវិលជុំសន្សំពិន្ទុ ហើយក្រុមដែលមានពិន្ទុច្រើនជាងគេ ឈ្នះជើងឯក ស្របពេលដែលលទ្ធផលសរុបមាន៖
២១ កក្កដា ថៃ ៣-០ វៀតណាម
២១ កក្កដា ឥណ្ឌូណេស៊ី ៣-០ ហ្វីលីពីន
២២ កក្កដា ហ្វីលីពីន ០-៣ ថៃ
២២ កក្កដា ឥណ្ឌូណេស៊ី ៣-០ វៀតណាម
២៣ កក្កដា វៀតណាម ៣-២ ហ្វីលីពីន
២៣ កក្កដា ឥណ្ឌូណេស៊ី ៣-១ ថៃ
ក្រុមជើងឯករងថៃ
សម្រាប់ចំណាត់ថ្នាក់សរុបគឺ៖
ជើងឯក៖ ឥណ្ឌូណេស៊ី (ប្រាក់រង្វាន់១៧០០០ដុល្លារ)
ជើងឯករង៖ ថៃ (១៤០០០ ដុល្លារ)
លេខ៣៖ វៀតណាម (១១០០០ដុល្លារ)
លេខ៤៖ ហ្វីលីពីន (១០០០០ដុល្លារ)
ក្រុមលេខ៣ វៀតណាម
សម្រាប់ពានរង្វាន់ឯកត្តជន វិញមាន៖
*Most valuable player៖ Fahri Septian Putratama (ឥណ្ឌូណេស៊ី)
*Best setter៖ Đinh Văn Duy (វៀតណាម)
*Best outside spikers៖ Anurak Phanram (ថៃ), Farhan Halim (ឥណ្ឌូណេស៊ី)
*Best middle blockers៖ Kissada Nilsawai (ថៃ), Hendra Kurniawan (ឥណ្ឌូណេស៊ី)
*Best opposite spiker៖ Steven Charles Rotter (ហ្វីលីពីន)
*Best libero៖ Tanapat Charoensuk (ថៃ)
ក្រុមលេខ៤ ឥណ្ឌូណេស៊ី
ដោយឡែកសមាជិកទាំង១៤នាក់របស់ឥណ្ឌូណេស៊ី ដែលជួយក្រុមក្រុមឈ្នះជើងឯកលើកនេះមាន Boy Arnez Arabi, Hendra Kurniawan, Musa Bikhan, Dimas Saputra, Jordan Michael Imanuel, Jasen N. Kilanta, Doni Haryono, Fahri Septian Putratama, Muhammad Malizi, Irpan, Farhan Halim, Dio Zulfikri, Cep Indra Agustin, Prasojo ក្រោមការដឹកនាំដោយលោកគ្រូបង្វឹកជនជាតិចិន Jiang Jie។
សកម្មភាពប្រកួត
ដោយឡែកក្រុមទាំង៤នឹងបន្តប្រកួតជុំទី២ ស្វែងរកជើងឯកទៀត ដែលធ្វើឡើងនៅទូក្រុង Santa Rosa ប្រទេសហ្វីលីពីន ចន្លោះថ្ងៃទី២៨ ដល់៣០ ខែកក្កដា ឆ្នាំ២០២៣ ដោយប្រើរូបមន្តដូចគ្នា។
នេះជាលើកដំបូងហើយដែលសហព័ន្ធបាល់ទះអាស៊ាន បង្កើតការប្រកួតពានរង្វាន់នេះ លើទឹកដីរបស់ខ្លួន ស្របពេលដែលការប្រកួតផ្នែកនារី ធ្លាប់ធ្វើឡើងបានចំនួន២ឆ្នាំហើយ ដោយឆ្នាំ២០១៩ និង២០២២ ក្រុមថៃ ឈ្នះជើងឯកទាំងអស់៕
