ក្រុមកីឡាវាយកូនបាល់កម្ពុជា កំពុងត្រៀមប្រកួតក្នុងព្រឹត្តិការណ៍ Davis Cup កម្រិត៣ ប្រចាំតំបន់អាស៊ី/អូសេអានី Asia/Oceania Zone Group III ដែលជាការប្រកួតធ្វើឡើងនៅទីក្រុង Colombo ប្រទេសស្រីលង្កា។
សហព័ន្ធកីឡាវាយកូនបាល់កម្ពុជា បានបញ្ជូលកីឡាករទៅចូលរួមមានចំនួន ៤រូបមានដូចជា៖
- កីឡាករ ឡុង សំនៀង
- កីឡាករ ឃ្លាំង ពន្លក
- កីឡាករ ឡេង សារិនរាជ
- កីឡាករ ទេព ទីម៉ូធី
ក្នុងព្រឹត្តិការណ៍ធ្វើឡើង ចាប់ផ្ដើមថ្ងៃទី២៦ ដល់ថ្ងៃទី៣០ ខែកក្កដា ឆ្នាំ២០២៣ នៅទីក្រុង Colombo ប្រទេសស្រីលង្កា ដោយកម្ពុជា ស្ថិតនៅពូល Bមានដូចជា៖ ហ៊្សកដានី, ម៉ាឡេស៊ី និងប្រទេស១ មកពីទ្វីបអូសេអានី។
រំលឹកថា មុនឈានឡើងមកប្រកួតក្នុងកម្មវិធី Asia/Oceania Group III ដោយកាលពីឆ្នាំមុន (២០២២) ក្រុមរបស់កម្ពុជា បានប្រកួតឈ្នះ សិង្ហបុរី ២-១ នៅក្នុងកម្រិត៤ ដូច្នេះនេះជាលើកទី៦ ដែលកម្ពុជា បានលេងនៅក្នុង Davis Cup កម្រិត៣ ខណៈ ៥លើកកន្លងមកនៅឆ្នាំ២០១២, ២០១៣, ២០១៤, ២០១៥, ២០១៦។
គួរបញ្ជាក់ថា ព្រឹត្តិការណ៍ Davis Cup គឺជាការប្រកួតលំដាប់អន្តរជាតិ ដែលខ្ពស់ជាងគេក្នុងកីឡាវាយកូនបាល់បុរស ដែលមាន ៤កម្រិត ព្រឹត្តិការណ៍នេះ ត្រូវបានគ្រប់គ្រងដោយសហព័ន្ធកីឡា វាយកូនបាល់អន្តរជាតិ (ITF) ហើយប្រកួតប្រជែងជារៀងរាល់ឆ្នាំរវាងក្រុមមកពីជាង ១៤០ប្រទេសវាក៏ត្រូវបានចាត់ទុកថាជា “World Cup of Tennis” ហើយ អ្នកឈ្នះនឹងក្លាយជាម្ចាស់ជើងឯកពិភពលោក៕