សិល្បៈជាតិ៖ ក្រោយធ្វើឱ្យផ្អើលហេតុការណ៍ថាត្រូវថ្នាំសណ្ដំរបស់បុរសម្នាក់ ថ្មីៗនេះកញ្ញា Rose (រ៉ូស) ស្រាប់តែបង្ហាញរូបភាពមួយសន្លឹកទៀតដែលស្ដែងឱ្យឃើញពីឆ្នូតក្រហម ២បន្ទាត់ ដែលនាងហាក់ដូចជាចង់ប្រាប់មហាជនថា ពេលនេះគឺជានាងមានផ្ទៃពោះហើយ ខណៈបញ្ហាចម្រូងចម្រាស់ជាមួយបុរសដាក់ថ្នាំសណ្ដំនោះមិនទាន់ដោះស្រាយនៅឡើយទេ។ តើការចេញមកបង្ហោះរូបភាពថ្មីរបស់នាង មានចេតនាអ្វី?
រ៉ូស បានបង្ហាញរូបភាព ២ ឆ្នូតក្រហម រួចភ្ជាប់ជាមួយខ្លឹមសារថា ៖ « មានន័យថាមិចខ្ញុំអត់សូវដឹងទេ»។ ការបង្ហោះនេះបានធ្វើឱ្យអ្នកលេងបណ្ដាញសង្គមខ្លះសង្ស័យថាកើតជំងឺអេដស៍ អ្នកខ្លះថាកើតកូវីដ ខណៈអ្នកខ្លះទៀតទាមទារឱ្យយកកញ្ញា រ៉ូស ទៅអប់រំ ដើម្បីកុំឱ្យនាងកាន់តែបានដៃ បន្តបំពុលសង្គមទៀត។
សារព័ត៌មានត្រយង សូមដកស្រង់មតិអ្នកលេងបណ្ដាញសង្គមខ្លះៗ ដែលមានប្រតិកម្មចំពោះចេតនារបស់ កញ្ញា រ៉ូស ដោយពួកគេលើកឡើងថា ៖ «មានកូនលឿនមេស កាលជំនាន់ម៉ាក់ខ្ញុំថា 1អាទិត្យ ឬ 1 ខែ ឬ 4-5 ថ្ងៃ បានមាន ចុះអ៊ីរ៉ូស មានលឿនមេស គិតថា 2ឬ3ថ្ងៃចុះ» «កើតកូវីដ ច្បាស់ណាស់» «លឿនសាហាវ» «ចង់ដឹងថ្នាំសណ្តំម៉ាក់អីមានកូនលឿនម្ល៉េះ ខ្ញុំចង់ទិញ ចង់បានកូនដែរ» «កើតអេដស៍» «ដាក់ថ្នាំអីគេមានកូនលឿនម៉្លេះ» «ធ្វើអីចឹងទើបបានលុយស្រួល ហើយឆាប់បានដើរបោកគេយកលុយចាយ ហើយកុហកគេថាមានកូន រួចហើយយករួចខ្លួន ធ្វើជាមិនដឹងរឿងអ្វីកើតឡើង បន្តមកទៀត ក៏ថាគេជាអ្នកដាក់ រួចហើយក៏ចោទគេថាជាអ្នកដាក់ថ្នាំសណ្តំ ព្រោះអីធ្វើអីចឹងហើយបានលុយមកដោយស្រួលៗ តែបែរជាអ្នកថតគឺជាអូន អ្នកដាក់ថ្នាំក៏ជាអូនដែរ អរគុណបងដែរអោយអូនធ្វើបាបបងស្រួលយ៉ាងនេះ ព្រោះអូនចង់បានលុយបង» «ហ្នឹងតេស្ដកូវីដតើ»…..ជាដើម។
ជាការកត់សម្គាល់ បន្ទាប់ឃើញសកម្មភាពរបស់កញ្ញា រ៉ូស ចេញមកអុកឡុកនៅលើបណ្ដាញសង្គមជាច្រើនលើកច្រើនសារ អ្នកលេងបណ្ដាញសង្គមមួយចំនួនធំទៀត បានទទូចទៅកាន់ស្ថាប័នពាក់ព័ន្ធ ឬសមត្ថកិច្ចពាក់ព័ន្ធ ជួយពិនិត្យឡើងវិញនូវរាល់សកម្មភាពដែលលើសលស់ជ្រុលរបស់តារាស្រីរូបនេះ ព្រោះទង្វើរបស់នាងខ្លះធ្វើឱ្យខូចឬប៉ះពាល់ដល់តម្លៃស្ត្រីខ្មែរ និងវប្បធម៌ដ៏ផូរផង់របស់កម្ពុជា។ អ្នកទាំងនោះចង់ឱ្យសមត្ថកិច្ចចាត់ចំណាត់ការក្ដៅណាមួយ ដើម្បីជាការព្រមាននិងជាឧទាហរណ៍ដើម្បីកុំឱ្យអ្នកផ្សេងយកគំរូតាម ព្រោះរឿងអសកម្មខ្លះអាចបង្កហេតុការណ៍ចលាចល ដែកអាចឱ្យសង្គមកាន់តែវឹកវរ និងជះឥទ្ធិពលអវិជ្ជមានដល់យុវជន យុវតីជំនាន់ក្រោយថែមទៀត។
សូមជម្រាបថា កញ្ញា រ៉ូស ក៏បានបង្ហោះសារសារភាពប្រាប់មហាជននៅលើបណ្ដាញសង្គមបន្ថែមទៀតថា មួយរយៈនេះកញ្ញាវីវក់ជាមួយមនុស្សប្រុសឡើងធ្លាក់ដល់ចំណុចសូន្យ ចេះជំពាក់លុយគេក៏ដោយសារមនុស្សប្រុស ហើយកញ្ញាថា ស្បថហើយឈប់ស្រឡាញ់អ្នកណាទៀតហើយ។ សារនេះក៏បានធ្វើឱ្យអ្នកលេងបណ្ដាញសង្គមសន្មតថា នេះក៏អាចជាមូលហេតុមួយដែលធ្វើឱ្យកញ្ញា រ៉ូស វង្វេងស្មារតីក៏ថាបាន ទើបកញ្ញាហ៊ានធ្វើរឿងចម្លែកៗហួសចិត្តនៅលើបណ្ដាញសង្គមហ្វេសប៊ុក៕
