ក្រុមបាល់ទះស្នងការដ្ឋាននគរបាលខេត្តព្រះសីហនុ ជាក្រុមទី២ នៅកម្ពុជា ដែលបានប្រកាសពីកីឡាករសមាជិកបរទេសរបស់ខ្លួន ដើម្បីត្រៀមប្រកួតក្នុងពានរង្វាន់សំខាន់ៗក្នុងឆ្នាំ២០២៣ ខាងមុខ ខណៈក្រុមបាល់ទះវិសាខា ជាក្រុមដំបូងគេ ដែលបានប្រកាសសមាជិកកីឡាករបរទេស។
កីឡាករបរទេសទាំង៣នាក់ថ្មីរបស់ក្រុមបាល់ទះស្នងការដ្ឋាននគរបាលខេត្តព្រះសីហនុ
បើតាមលោក សោម ចំណាប់ គ្រូបង្វឹករបស់ក្រុមបាល់ទះស្នងការដ្ឋាននគរបាលខេត្តព្រះសីហនុ បានប្រកាសលើហ្វេសប៊ុករបស់លោក កាលពីពេលថ្មីៗថា កីឡាករបរទេសទាំង៣នាក់របស់ក្រុមលោក មាន៖
១.MENDES មកពីប្រទេសគុយបា
២.ហ្វាម ថយឃឿង មកពី វៀតណាម
៣.ត្រឹង អាញ់ទូ មកពី វៀតណាម
លោកបន្តទៀតថាការបន្ថែមសមាជិករបស់ក្រុម គឺដើម្បីត្រៀមខ្លួនចូលរួមប្រកួតក្នុងព្រឹត្តិការណ៍កីឡាបាល់ទះពានរង្វាន់ឯកឧត្តម ស សុខា (Sar Sokha Volleyball Challenge Cup 2023) ដែលនឹងចាប់ផ្តើមប្រកួតនៅដើមខែសីហា ខាងមុខ៕
