ខ្សែការពារ ទេស សម្បត្តិ បានសម្ដែងអារម្មណ៍សប្បាយចិត្ត ដែលការប្រកួត Cambodian Premier League រដូវកាល ២០២៣-២៤ ជិតវិលត្រលប់មកវិញ ខណ:រូបគេបានត្រៀមខ្លួនរួចរាល់ សម្រាប់ការប្រកួតពានរង្វាន់ Cambodian Super Cup 2023 នាចុងសប្ដាហ៍នេះ។
វិសាខា ម្ចាស់ជើងឯកពានរង្វាន់សម្តេចតេជោ ហ៊ុន សែន ឆ្នាំ២០២២ នឹងត្រូវជួប ភ្នំពេញក្រោន ម្ចាស់ជើងឯកពានរង្វាន់លីគកំពូលកម្ពុជា ឆ្នាំ២០២២ ដើម្បីដណ្តើមពានរង្វាន់ Cambodian Super Cup ឆ្នាំ២០២៣ នៅអាទិត្យ ទី៣០ ខែកក្កដា ឆ្នាំ២០២៣ នាពហុកីឡដ្ឋានជាតិ (ស្តាតអូឡាំពិក) វេលាម៉ោង ៦:០០ នាទីល្ងាច។
រលឹកថា ក្រុមបាល់ទាត់ភ្នំពេញក្រោន បានក្លាយជាម្ចាស់ជើងឯកពានរង្វាន់បាល់ទាត់ Cambodian Super Cup 2022 ដែលរៀបចំឡើងដោយក្រុមហ៊ុន Cambodian Premier League ក្រោយយកឈ្នះលើក្រុមវិសាខា ដោយលទ្ធផល ២ទល់១ លើទីលានកីឡដ្ឋានកងយោធពលខេមរភូមិន្ទ៕
ខាងក្រោមជាវីដេអូនៃកិច្ចសម្ភាសន៍ទាំងស្រុករបស់ខ្សែការពារ ទេស សម្បត្តិ៖
