ក្រុមកីឡាករ កីឡាការិនីការ៉ាតេកម្ពុជា (ក្រសួងមហាផ្ទៃ) ដណ្តើមបានមេដាយសរុបចំនួន ០៨គ្រឿង (មេដាយមាស០៣គ្រឿង ប្រាក់០៣គ្រឿង និងសំរឹទ្ធ០២គ្រឿង) ពីការប្រកួតក្នុងព្រឹត្តិការណ៍កីឡា នគរបាល និងកងពន្លត់អគ្គិភ័យពិភពលោក លើកទី២០ ឆ្នាំ២០២៣ (the 20th World Police & Fire Games 2023) នៅទីក្រុង Winnipeg ប្រទេសកាណាដា។
កីឡាករ កីឡាករិនីដែលជាជ័យលាភីដណ្តើមមេដាយជូនជាតិមាតុភូមិ មានដូចជា៖
១. កីឡាករ ឆេង ច័ន្ទដារ៉ារតនៈ
- មេដាយមាស ០១គ្រឿង វិញ្ញាសាប្រយុទ្ធឯកត្តជនបុរស អាយុ១៨ឡើង ប្រភេទទម្ងន់ក្រោម៧០គីឡូក្រាម
- មេដាយប្រាក់ ០១គ្រឿង វិញ្ញាសាសម្ដែងឯកត្តជនបុរសអាយុ១៨ឆ្នាំឡើង
- មេដាយសំរឹទ្ធ ០១គ្រឿង វិញ្ញាសាប្រយុទ្ធក្រុមបុរស អាយុ១៨ឆ្នាំឡើង
២.កីឡាការិនី ស៊ឹម ស្រីនីន
- មេដាយមាស ០១គ្រឿង វិញ្ញាសាសម្ដែងឯកត្តជននារី អាយុ១៨ឆ្នាំឡើង
- មេដាយសំរឹទ្ធិ ០១គ្រឿង វិញ្ញាសាប្រយុទ្ធក្រុមនារី អាយុ១៨ឆ្នាំឡើង
៣.កីឡាការិនី ផុន គិមស្រៀង
- មេដាយប្រាក់ ០១គ្រឿង វិញ្ញាសាប្រយុទ្ធឯកត្តជននារី ប្រភេទទម្ងន់ក្រោម៥៥គីឡូក្រាម
- មេដាយសំរឹទ្ធិ ០១គ្រឿង វិញ្ញាសាប្រយុទ្ធក្រុមនារី អាយុ១៨ឆ្នាំឡើង
៤.កីឡាករ តក់ ពិចិត្រ
- មេដាយប្រាក់ ០១គ្រឿង វិញ្ញាសាប្រយុទ្ធឯកត្តជនបុរស អាយុ១៨ឆ្នាំឡើង ប្រភេទទម្ងន់ក្រោម៧៥គីឡូក្រាម
- មេដាយសំរឹទ្ធិ ០១គ្រឿង វិញ្ញាសាប្រយុទ្ធក្រុមបុរស អាយុ១៨ឆ្នាំឡើង
៥.កីឡាករ កាក់ សីលាបញ្ញា
- មេដាយមាស ០១គ្រឿង វិញ្ញាសាប្រយុទ្ធឯកត្តជនបុរស អាយុ១៨ឆ្នាំឡើង ប្រភេទទម្ងន់៨៥គីឡាក្រាមឡើង
- មេដាយសំរឹទ្ធិ ០១គ្រឿង វិញ្ញាសាប្រយុទ្ធក្រុមបុរស អាយុ១៨ឆ្នាំឡើង
សូមជម្រាបជូនថា អគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ បានបញ្ជូនគ្រូបង្វឹក កីឡាករ កីឡាការិនីការ៉ាតេ ចំនួន០៦រូប ឱ្យទៅចូលរួមក្នុងព្រឹត្តិការណ៍ World Police & Fire Games 2023 ដែលបានធ្វើឡើងចាប់ពីថ្ងៃទី២៨ ខែកក្កដា ដល់ថ្ងៃទី៦ ខែសីហា ឆ្នាំ២០២៣៕