ក្រុមខ្លាំងចំនួន ២នៅតែមិនទាប់ស្គាល់បរាជ័យក្នុងការប្រកួតពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ បានឈានដល់ការប្រកួតសប្តាហ៍ទី១៤ហើយ មានភ្នំពេញហ្គាឡាក់ស៊ី និងខេត្តត្បូងឃ្មុំ ខណ:ខេត្តកណ្ដាល គឺជាក្រុមតែមួយគត់មិនរកបានជ័យជម្នះសោះ។
ដូចនេះ ឆ្លងកាត់ចំនួន ៦ប្រកួតកន្លងមករបស់ក្រុមភ្នំពេញហ្គាឡាក់ស៊ី និងខេត្តត្បូងឃ្មុំ មានដូចខាងក្រោម៖
ភ្នំពេញហ្គាឡាក់ស៊ី៖ ឈ្នះខេត្តកែប ៦-០ ឈ្នះកំពត់ អេហ្វស៊ី ១-០ ស្មើជាមួយខេត្តព្រះស៊ីហនុ ១-១ ស្មើជាមួយខេត្តកំពង់ស្ពឺ ២-២ ឈ្នះខេត្តកែប ៥-១ និងចុងក្រោយឈ្នះ ខេត្តកំពត ៥-២។ ដូចនេះ ភ្នំពេញហ្គាឡាក់ស៊ី ឆ្លងកាត់ ៦ប្រកួតឈ្នះ ៤ប្រកួត ស្មើ ២ប្រកួត ស៊ុតបញ្ចូលទីគូប្រកួតបាន ២០គ្រាប់ មាន ១៤ពិន្ទុ ឈរកំពូលតារាងពូល ក។
ខេត្តត្បូងឃ្មុំ៖ ឈ្នះខេត្តកំពង់ចាម ១-០ ឈ្នះខេត្តស្វាយរៀង ៥-១ ឈ្នះខេត្តកណ្ដាល ៥-១ ឈ្នះខេត្តកំពង់ឆ្នាំង ៤-៣ ឈ្នះខេត្តកំពង់ចាម ១-០ និងចុងក្រោយឈ្នះ ខេត្តស្វាយរៀង ៥-១។ ដូចនេះ ខេត្តត្បូងឃ្មុំ ឆ្លងកាត់ ៦ប្រកួតឈ្នះទាំង ៦ប្រកួត ស៊ុតបញ្ចូលទីគូប្រកួតបាន ២១គ្រាប់ មាន ១៨ពិន្ទុពេញ ឈរកំពូលតារាងពូល ខ។
ដោយឡែកខេត្តកណ្ដាល គឺជាក្រុមតែមួយគត់ដែលមិនទាន់រកបានជ័យជម្នះ ក្រោយបញ្ចប់សប្ដាហ៍ទី១៤ ដោយឆ្លងកាត់ ៦ប្រកួតចាញ់ទាំង ៦មាន ចាញ់ ខេត្តកំពង់ឆ្នាំ ៨-០ ចាញ់ខេត្តកំពង់ចាម ៤-១ ចាញ់ខេត្តត្បូងឃ្មុំ ៥-១ ចាញ់ខេត្តស្វាយរៀង ៥-២ ចាញ់កំពង់ឆ្នាំង ៤-២ និងចាញ់កំពង់ចាម ៣-១។ ដូចនេះខេត្តកណ្ដាល ស្ថតនៅបាតតារាង ពូល ខ មាន ០ពិន្ទុ។
សម្រាប់ ក្រុមដែលឈរកមពូលតារាងបណ្ដុះអាសន្ន គិតត្រឹមបញ្ចប់ការប្រកួតសប្ដាហ៍ទី១៤ មានដូចជា៖ ភ្នំពេញហ្គាឡាក់ ឈរកំពូលតារាង ពូល ក, ខេត្តត្បូងឃ្មុំ ឈរកំពូលតារាង ពូល ខ, យុវជនខេត្តបាត់ដំបង ឈរកំពូលតារាង ពូល គ និងខេត្តកំពង់ធំ ឈរ កំពូលតារាង ពូល ឃ។
សូមជម្រាបថា ការប្រកួតពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ មាន ២០ក្រុមចូលរួមប្រកួតតំណាងរាជធានីខេត្ត បែងចែកជា៤ពូល ក្នុង ១ពូលមាន៥ក្រុមបានចាប់ផ្តើមការប្រកួតនៅថ្ងៃទី២៨ ខែមិនា ឆ្នាំ២០២៣ គ្រោងនឹងបញ្ចប់នៅថ្ងៃទី៧ ខែតុលា ឆ្នាំ២០២៣៕
