បាល់ទះ៖ ជក់ចិត្ត វិសាខា ប៉ះតាកែវ ខណ:ព្រះសីហនុ ប៉ះអង្គរក្ស វគ្គពាក់កណ្ដាលផ្ដាច់ព្រ័ត្រ ពានរង្វាន់ឯកឧត្តម ស សុខា ល្ងាចនេះ

បន្ទាប់ពីប្រកួតជម្រុះក្នុងពូលដ៏ស្វិតស្វាញអស់រយ:ពេល ៣ថ្ងៃរួមមក ពេលនេះបានរកឃើញចំនួន៤ ដែលត្រូវជួបគ្នានៅវគ្គពាក់កណ្ដាលផ្ដាច់ព្រ័ត្រនៅថ្ងៃនេះគឺ សមាគមបាល់ទះវិសាខា ជួបជាមួយ នគរបាលខេត្តតាកែវ និងនគរបាលខេត្តព្រះសីហនុ ជួបជាមួយបញ្ជាការដ្ឋានអង្គរក្ស នៃការប្រកួតកីឡាបាល់ទះពានរង្វាន់ឯកឧត្តម ស សុខា ឆ្នាំ២០២៣។

កម្មវិធីប្រកួតនឹងចាប់ផ្ដើមនៅម៉ោង ០៥:០០នាទីល្ងាច នៅសាលវិមាននៃពហុកីឡដ្ឋានជាតិអូឡាំពិកការប្រកួតនឹងបើកឲ្យចូលរួមទស្សនាដោយសេរី និងមានការផ្សាយផ្ទាល់ពីសារព័ត៌មាន ត្រយង ផងដែរ៖

-សមាគមបាល់ទះវិសាខា ជួបជាមួយ នគរបាលខេត្តតាកែវ វេលាម៉ោង ០៥:០០នាទីល្ងាច

-នគរបាលខេត្តព្រះសីហនុ ជួបជាមួយ បញ្ជាការដ្ឋានអង្គរក្ស វេលាម៉ោង ០៧:០០នាទីយប់