បញ្ចប់វគ្គពាក់កណ្ដាលផ្ដាច់ព្រ័ត្រ នារាត្រីថ្ងៃទី០៥ សីហា ម្សិលមិញ បានរកឃើញក្រុមដែលត្រូវជួបគ្នានៅវគ្គផ្ដាច់ព្រ័ត្រដណ្ដើមជើងឯកកីឡាបាល់ទះពានរង្វាន់ឯកឧត្តម ស សុខា ឆ្នាំ២០២៣ហើយ គឺសមាគមបាល់ទះវិសាខា នឹងជួបជាមួយ នគរបាលខេត្តព្រះសីហនុ ខណ:នគរបាលខេត្តតាកែវ និងជួបជាមួយ បញ្ជាការដ្ឋានអង្គរក្ស ដើម្បីដណ្ដើមយកលេខ៣។
-នគរបាលខេត្តតាកែវ ជួបជាមួយ បញ្ជាការដ្ឋានអង្គរក្ស វេលាម៉ោង ០៥:០០នាទីល្ងាច
-សមាគមបាល់ទះវិសាខា ជួបជាមួយ នគរបាលខេត្តព្រះសីហនុ វេលាម៉ោង ០៧:០០នាទីយប់
កម្មវិធីប្រកួតនៅថ្ងៃនេះ និងលទ្ធផលបញ្ចប់វគ្គពាក់កណ្ដាលផ្ដាច់ព្រ័ត្រ៖
កម្មវិធីប្រកួតនឹងចាប់ផ្ដើមនៅម៉ោង ០៥:០០នាទីល្ងាច នៅសាលវិមាននៃពហុកីឡដ្ឋានជាតិអូឡាំពិកការប្រកួតនឹងបើកឲ្យចូលរួមទស្សនាដោយសេរី និងមានការផ្សាយផ្ទាល់ពីសារព័ត៌មាន ត្រយង ផងដែរ៕
