ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ គ្រងជើងនពានរង្វាន់កីឡាបាល់ទះពានរង្វាន់ឯកឧត្តម ស សុខា ឆ្នាំ២០២៣ (Sar Sokha Challenge Cup 2023) ក្រោយយកឈ្នះសមាគមបាល់ទះវិសាខា នៅវគ្គផ្ដាច់ព្រ័ត្រទាំងលទ្ធប្រផិតប្រផើយ ក្នុងលទ្ធផល ៣សិតទល់និង២ (២៥-១៦, ១៩-២៥, ២៥-២២, ២៣-២៥, ១៥-១១) នារាត្រីថ្ងៃទី០៦ សីហា នៅសាលវិមាននៃពហុកីឡដ្ឋានជាតិអូឡាំពិក។
ក្រោយប្រកួតដ៏ស្វិតស្វាញកាលពីម្សិលមិញលទ្ធផលទទួលបានមានដូចខាងក្រោម៖
ជើងឯក៖ ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ ទទួលបានប្រាក់រង្វាន់ ២០ លានរៀល
ក្រុមលេខ២៖ សមាគមបាល់ទះវិសាខា ទទួលបានប្រាក់រង្វាន់ ១២ លានរៀល
ក្រុមលេខ៣៖ ក្លិបកីឡាបាល់ទះបញ្ជាការដ្ឋានអង្គរក្ស ទទួលបានប្រាក់រង្វាន់ ៨ លានរៀល
ក្រុមលេខ៤៖ ក្លិបកីឡាបាល់ទះខេត្តតាកែវ
ដោយឡែកសម្រាប់ពានរង្វាន់ឯកត្តជន ដែលឈ្នះពានកីឡាករល្អប្រចាំការប្រកួតមាន៖
- ខឹម សុវណ្ណដារ៉ា របស់សមាគមបាល់ទះវិសាខា ឈ្នះពានកីឡាករ LEBERO ល្អជាងគ
- ហ្វាម ថយឃឿង ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ ឈ្នះពានកីឡាករលើកល្អជាងគេ The Best Setter
- HENRY JOSE PELAYO BERNAL របស់សមាគមបាល់ទះវិសាខា ឈ្នះពានកីឡាករធ្វើរនាំងល្អជាងគេ The Best Block
- វឿន វាសនា របស់សមាគមបាល់ទះវិសាខា ឈ្នះពានកីឡាករវាយសេវាល្អជាងគេ The Best Server , វាយប្រយុទ្ធល្អជាងគេ The Best Spiker និងកីឡាករឆ្នើម The Most Valuable Player
ការប្រកួតពានរង្វាន់កីឡាបាល់ទះ ពានរង្វាន់ឯកឧត្តម ស សុខា ឆ្នាំ២០២៣ (Sar Sokha Challenge Cup 2023) កម្មវិធីប្រកួតប្រព្រឹត្តិទៅចាប់ផ្តើមប្រកួតនៅថ្ងៃទី០២ ដល់ថ្ងៃទី០៦ ខែសីហា ឆ្នា ២០២៣។ចំពោះសមាសភាពក្រុមចូលរួមជាផ្លូវការចំនួន ៩ក្លិប/សមាគម ចែកចេញជា ២ពូលមាន៖
ពូល A៖ ១.ក្លិបកីឡាបាល់ទះរដ្ឋបាលរាជធានីភ្នំពេញ ២.ក្លឹបកីឡាបាល់ទះស្នងការដ្ឋាននគរបាលខេត្តត្បូងឃ្មុំ ៣. សមាគមកីឡាបាល់ទះវិសាខា ៤.ក្លិបកីឡាបាល់ទះកងពលធំអន្តរាគមន៍លេខ៣ ៥.ក្លិបកីឡាបាល់ទះបញ្ជាការដ្ឋានអង្គរក្ស។
ពូល B៖ ១. ក្លិបកីឡាបាល់ទះខេត្តតាកែវ ២. ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ ៣. ក្លិបកីឡាបាល់ទះស្នងការដ្ឋាននគរបាលខេត្តបាត់ដំបង ៤. ក្លិបកីឡាបាល់ទះ ស្នងការដ្ឋាន នគរបាលខេត្តកំពង់ឆ្នាំង៕