មុននេះបន្តិចពោលគឺនៅថ្ងៃទី២១ ខែកក្កដា ឆ្នាំ២០២១ នេះ តារាសម្ដែង និង ជាពិធីការិនីដ៏លេចធ្លោមួយរូប អ្នកនាង គង់ ចាន់ស្រីមុំ បានចេញមកប្រកាសលើបណ្ដាញសង្គមហ្វេសប៊ុករបស់ខ្លួនថាសល់ក្រដាសប្លង់ ៦ កន្លែង សម្រាប់បន្សល់ទុកឱ្យកូនស្រីបណ្ដូលចិត្ត។
អ្នកនាង គង់ ចាន់ស្រីមុំ មិនត្រឹមតែជាតារាសម្ដែង ពិធីការិនីដ៏លេចធ្លោមួយរូបនោះទេ ប៉ុន្តែ អ្នកនាង ក៏ជាអ្នកជំនួញដ៏ជោគជ័យមួយរូបផងដែរ ព្រោះអ្នកនាងមានលក់ផលិតផលថែរក្សាសម្រស់ ហាងសំលៀកបំពាក់ និងហាងអាហារផងដែរ ជាមួយនឹងភាពជោគជ័យក្នុងមុខជំនួញរបស់ខ្លួនធ្វើឱ្យអ្នកនាង គង់ ចាន់ស្រីមុំរស់នៅក្នុងជីវិត ហ៊ឺហារ ស្ដុកស្ដម្ភ បែបស៊ីវិល័យជាមួយនឹងកូនស្រី គឹម សីហាមរកត និងស្វាមី លោក គឹម សីហា មានរថយន្តស៊េរីទំនើបជិះ និងរស់នៅក្នុងផ្ទះវីឡា។
យ៉ាងណាមិញសំណេរដែលអ្នកនាងបានបង្ហោះចែករំលែកឱ្យអ្នកគាំទ្ររបស់ខ្លួនបានដឹងនោះគឺអ្នកនាងបានរៀបរាប់ថាអ្នកនាងមាន ក្រដាសប្លង់៦កន្លែង សម្រាប់ទុកឱ្យកូនស្រី ដោយផុសអមមកជាមួយនឹងរូបភាពគ្រួសារនៅទីតាំងផ្សេងៗគ្នាមានទាំងផ្ទះដែលសាងសង់ជិតរួចស្ទើតែ១០០ភាគរយ និង ដីហ៊ុំព័ទ្ធរបងពីរបីកន្លែងទៀតផងដែរ។
សំណេរនិងរូបភាពខាងលើបានធ្វើឱ្យមជ្ឈដ្ឋានមហាជន និង អ្នកគាំទ្រមានការចាប់អារម្មណ៍ ហើយកោតសរសើរចំពោះជោគជ័យរបស់តារាស្រីរូបនេះជាខ្លាំង ព្រោះអ្នកនាងនៅវ័យក្មេងសោះ តែមានអចលនទ្រព្យនៅក្នុងដៃយ៉ាងច្រើនសន្ធឹកសន្ធាប់បែបនេះ៕
សូមទស្សនាវីដេអូព័ត៌មានខាងលើតាមរយៈវីដេអូខាងក្រោម៖