សិល្បៈជាតិ៖ បន្ទាប់ពីឃើញដំណឹងរបស់តារាចម្រៀងស្រី ស៊ឹម ថៃណា ត្រូវបុរសម្នាក់បានប្រើពាក្យអសុរោះជេរប្រមាថមកលើរូបនាង ដោយប្រើពាក្យជេរប្រទេចយ៉ាងមិនសមរម្យហើយនោះ ថ្មីៗនេះអ្នកនាង យក់ ឋិតរដ្ឋា ដែលជាមិត្តសម្លាញ់ចាស់បានពោលពាក្យខ្លោចចិត្តអាណិតព្រួយបារម្ភខ្លាច ស៊ឹម ថៃណា កើតជំងឺ Depression។
ចូលអាន៖ ស៊ឹម ថៃណា ស្រក់ទឹកភ្នែក រួចនិយាយទាំងអួលដើម.ក រឿងត្រូវបុរសស្រវឹងស្រាជេរ.ប្រទេចកប់ៗមាត់
អ្នកនាង យក់ ឋិតរដ្ឋា បានបង្ហោះសារយ៉ាងវែងអន្លាយនៅលើបណ្ដាញសង្គមហ្វេសប៊ុកដោយរៀបរាប់ថា៖ «សម្លាញ់អើយឯងឃើញទឹកភ្នែកសម្លាញ់ហូរដោយភាពបរិសុទ្ធ ស៊ឹម ថៃណា គ្នាអាណិតឯងត្រង់អត់មានឪពុកម្តាយនឹងគេហើយត្រូវគេនិយាយចេញមកមើលងាយទៀតមិត្តអើយ។ តែឯងចង់ប្រាប់ទៅសម្លាញ់ថា រឿងជីវិតរបស់មនុស្សយើងគ្រប់គ្នាគឺវាបែបនេះឯង ហើយគ្នាចង់ឱ្យសម្លាញ់ត្រូវតែជំនះប្រឹងតស៊ូលើជីវិតមួយនេះអោយបានបើទោះជាមានពេលខ្លះត្រូវជួបរឿងរ៉ាវនឹងឧបសគ្គដ៏ច្រើនយ៉ាងណាក៏ដោយកុំបណ្តោយឱ្យឧបសគ្គទាំងនោះវាឈ្នះយើង ជូតទឹកភ្នែកចេញហើយប្រាប់ខ្លួនឯងថា ខ្ញុំមិនចុះចាញ់ទេ ! ខ្ញុំត្រូវតែស៊ូបន្តទៀតកុំឱ្យសំដីរឺទង្វើរបស់មនុស្សមួយចំនួនដែលបានគិតមិនល្អមកលើយើងនឹងមើលងាយយើងវាបានចិត្តហើយគិតតែពីជាន់ពន្លិចយើងថែមទៀត ! អីចឹងយើងត្រូវតែធ្វើចិត្តឱ្យសប្បាយៗឱ្យបានច្រើនហើយប្រឹងរកស៊ីនឹងប្រកបការងារឱ្យច្រើនណាមិត្តសម្លាញ់ហើយហាមកើត ឌីសប្រេសសិន ណាមិត្តពួកយើងនឹងនៅជិតនឹងចាំផ្តល់កំលាំងចិត្តអោយឯងរហូតណា »។
សូមជម្រាបថា ក្រោយការបង្ហោះនេះ គេសង្កេតឃើញមានអ្នកលេងបណ្ដាញសង្គមហ្វេសប៊ុកមួយចំនួនបានសម្ដែងការព្រួយបារម្ភនិងលើកទឹកចិត្តចំពោះកញ្ញា ស៊ឹម ថៃណា៕
