សិល្បៈអន្តរជាតិ៖ ថ្មីៗនេះភាពយន្តខ្នាតធំ «Barbie» បានចេញមកប្រកាសជាផ្លូវការហើយថារកចំណូលបានពីការលក់សំបុត្រ១ពាន់លានដុល្លារ ដូច្នេះក្ដីរំពឹងដែលអ្នកដឹកនាំនិងសហនិពន្ធ Greta Gerwig ធ្លាប់ស្រមៃថានឹងមានវគ្គទីពីរនោះអាចនឹងទៅរួច។
Greta Gerwig ធ្លាប់បានប្រាប់កាសែត The New York Times បានឱ្យដឹងថានាងនៅមិនទាន់ដឹងនៅឡើយទេពីគម្រោងថតភាពយន្តវគ្គ២ ប៉ុន្តែនាងបានប្រាប់ទស្សនាវដ្ដី People មុនភាពយន្តនេះរកចំណូលបាន១ពាន់លានដុល្លារអាមេរិក នៅទូទាំងពិភពលោកថា នាងសង្ឃឹមថាភាពយន្តនាងគឺជាការបើកបង្ហាញពិភពលោកនិងភាពយន្តតុក្កតា Barbie ប្រភេទផ្សេងៗគ្នាច្រើនទៀត។ នាងធ្លាប់លើកឡើងថា៖ «ខ្ញុំចង់ត្រលប់ទៅដែនដី Barbie ម្ដងទៀត»។
សូមជម្រាបជូនថាភាពយន្តខ្នាតធំរឿង «Barbie» បច្ចុប្បន្ននេះកំពុងតែចាក់បញ្ចាំងនៅតាមរោងភាពយន្តនានានៅទូទាំងពិភពលោក៕