សិល្បៈអន្តរជាតិ៖ កំពូលតារាចម្រៀង K-Pop នាង Lisa កំពុងធ្លាក់ចូលក្នុងព័ត៌មានអាស្រូវស្នេហាជាថ្មីជាមួយនឹងបុរសជាទាយាទកំពូលមហាសេដ្ឋី Frédéric Arnault ក្រោយតារាស្រីរូបនេះបានបង្ហោះរូបភាពដើរកម្សាន្តរបស់ខ្លួននៅលើបណ្ដាញសង្គម។
កាលពីថ្ងៃទី៩ ខែសីហា នាង Lisa បានបង្ហោះរូបថតដើរកម្សាន្តរបស់ខ្លួនជាច្រើនសន្លឹកនៅលើបណ្ដាញសង្គម Instagram។ នៅក្នុងរូបភាពទាំងនោះតារាស្រីរូបនោះកំពុងតែហែលទឹកលេងដោយស្លៀកឈុតប៊ីគិនីពណ៌បតងដងខ្ចី។ ជាងនោះទៀតនាងបានចែករំលែករូបភាពទេសភាពដ៏ស្រស់ស្អាតជាច្រើនកន្លែងដែលនាងបានទៅដល់។ ក្នុងដំណើរកម្សាន្តលំហែចិត្តកាយនេះ ត្រូវបានអ្នកតាមដានកត់សម្គាល់ជាពិសេសថាសមាជិក Blackpink រូបនេះប្រហែលជាទៅជាមួយគ្រួសារត្រកូល Arnault ។
នៅក្នុងឃ្លីបវីដេអូមួយដែលនាងបានបង្ហោះ Lisa បានថតយករូបភាពជ្រលងសមុទ្រដែលស្ទើរតែដូចទៅនឹងរូបភាពទីតាំងតែមួយដែល លោកស្រី Geraldine Guyot-Arnault ភរិយាកូនច្បងទីពីរ Bernard Arnaultដែលជា Chairman និង CEO ក្រុមហ៊ុន LVMHបានថតបង្ហោះ។ អ្នកតាមដានដែលស្គាល់ទីតាំងនេះចែករំលែកឱ្យដឹងថាកន្លែងនោះគឺជាទីតាំងទេសចរណ៍ដ៏ល្បីនៃវាលខ្សាច់ Navagio (ឬ ឆ្នេរខ្សាច់លិចកប៉ាល់) ក្នុងប្រទេសក្រិក។
ដំណឹងចចាមអារ៉ាមស្នេហានេះបានបន្តកើតមានឡើងជាហូរហែនៅពេលដែលវីដេអូរូបភាពមួយត្រូវបានគេចេញមកចែករំលែកលើបណ្ដាញសង្គម ត្រង់ពេលដែល Lisa បានយកក្បាលដាក់ផ្អែកលើស្មារបស់ Frédéric Arnault ដោយកាលណោះអ្នកទាំងពីរបាននាំគ្នាចេញញ៉ាំកាហ្វេជាមួយគ្នានៅទីក្រុងប៉ារីស។
ទោះជាថ្មីៗនេះ YG បានចេញមកទទួលស្គាល់ពីចំណងស្នេហាផ្អែមល្ហែមរវាង Jisoo និង Anh Bo Hyun ប៉ុន្តែ YG Entertainment បែរជានៅស្ងៀមមិនទាន់ចេញមកឆ្លើយតបឬបកស្រាយបែបណានោះឡើយចំពោះទំនាក់ទំនងស្នេហាដែលកំពុងតែល្បីល្បាញរវាង Lisa និងកូនប្រុសកំពូលមហាសេដ្ឋីពិភពលោកខាងលើនេះនៅឡើយ ទោះជាសាច់រឿងនេះបានបែកធ្លាយនិងល្បីសុះសាយមុនរឿង Jisoo និងសង្សារក្ដី៕
ប្រភព៖ thebustednews
