ក្នុងចំណោមសមាជិកក្រុមជម្រើសជាតិកម្ពុជា ចំនួន៣០នាក់ ដែលបានកោះហៅដោយលោកគ្រូបង្វឹក Félix Dalmás កោះហៅប្រកួតមិត្តភាពអន្តរជាតិទល់ក្រុមបង់ក្លាដេស កាលពីពាក់កណ្ដាលខែមិថុនា ថ្មីៗនេះ មានកីឡាករ២នាក់មុនគេ រកបានគ្រាប់បាល់ក្នុងពានរង្វាន់លីគកំពូលកម្ពុជា រដូវកាលថ្មី Cambodian Premier League 2023-24 ត្រឹមសប្ដាហ៍ទី២។
កីឡាករទាំង២រូបនេះមាន៖
– ប្រាក់ ធីវ៉ា របស់ភ្នំពេញក្រោន បានទាត់ចូលក្រុមព្រះខ័នរាជស្វាយរៀង កាលពីសប្ដាហ៍ទី១ ចំនួន១គ្រាប់
– ចាន់ វឌ្ឍនាកា របស់បឹងកេត បានទាត់ចូលទីក្រុមអង្គរថាយហ្គឺរ នៅសប្ដាហ៍ទី២ ចំនួន២គ្រាប់
គិតត្រឹមសប្ដាហ៍ទី២ នៃពានរង្វាន់លីគកំពូលកម្ពុជា ឃើញថាក្រុមទាំង១០បានទាត់បញ្ជូលទីគ្នាទៅវិញទៅមក កើនគ្រាប់បាល់ចំនួន៣៧គ្រាប់ ខណៈកីឡាករអតីតជម្រើសជាតិកាណាដា រកបានច្រើនជាងគេចំនួន៤គ្រាប់ ហើយកីឡាករខ្មែរ មានចំនួន៣រូបរកបានគ្រាប់បាល់ច្រើនជាងគេចំនួន២គ្រាប់ ក្នុងនោះមាន ស៊ិន សុផានណាត របស់វិសាខា, ផាន សុខផេង របស់ព្រៃវែង និង ចាន់ វឌ្ឃនាកា ខណៈកីឡាករផ្សេងទៀតរកបានត្រឹម១គ្រាប់នៅឡើយ។
