ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ បានបញ្ចប់សប្ដាហ៍ទី២ហើយ កាលពីរាត្រីថ្ងៃអាទិត្យ ទី១៣ ខែសីហា ឆ្នាំ២០២៣ ដោយក្រុមទាំង១០បានទាត់បញ្ជូលទីគ្នាទៅវិញទៅមកសរុប ៣៧គ្រាប់។
ខណ:ខ្សែការពារ Bektur Amangeldiev ជនជាតិកៀហ្ស៊ីស៊ីស្ថាន របស់ក្លិបបាល់ទាត់ណាហ្គាវើលដ៍ គឺជាកីឡាករដំបូងគេដែលស៊ុតចូលទីខ្លួនឯងដោយអចេតនា (Own Goal) ក្នុងជំនួបចាញ់វិសាខា ក្នុងលទ្ធផល ៤-១ នៅកីឡដ្ឋានខេត្តកំពង់ស្ពឺ ក្រោមក្រសែលភ្នែកអ្នកគាំទ្រទស្សនាផ្ទាល់ ១៥៧៣នាក់។
២ប្រកួតរបស់ក្លិបបាល់ទាត់ណាហ្គាវើលដ៍ នៅ CPL មាន៣ពិន្ទុ ឈ្នះ១ និងចាញ់១៖
– ព្រៃវែង ៤-៥ ណាហ្គាវើលដ៍
– ណាហ្គាវើលដ៍ ១-៤ វិសាខា។
រឿងដែលគួរឲ្យចាប់អារម្មណ៍១ទៀតរបស់ណាហ្គាវើលដ៍ ក្រោមការដឹកនាំរបស់លោក ឃឹម បូរី នោះគឺជាក្រុមដែលរបូតគ្រាប់បាល់ច្រើនជាងគេសរុប ៨គ្រាប់ តាមពីក្រោយដោយ ISI ដង្កោសែន, ព្រៃវែង និងអង្គរថាយហ្គឺរ របូត ៥គ្រាប់៕
