ការប្រកួតពានរង្វាន់ Cambodian Premier League រដូវកាលឆ្នាំ២០២៣-២៤ បានបញ្ចប់ការប្រកួតសប្តាហ៍ទី៣ ហើយកាលពីថ្ងៃទី២០ ខែសីហា ឆ្នាំ២០២៣ ខណៈអ្នកគាំទ្រដែលចូលរួមទស្សនាផ្ទាល់នៅក្នុងកីឡដ្ឋានទាំង៤មានចំនួនសរុប ៧,៣៦៩ នាក់ ស្របពេលដែលកីឡាដ្ឋានខេត្តស្វាយរៀង មានអ្នកចូលរួមទស្សនាច្រើនជាងគេប្រចាំសប្តាហ៍ទី៣។
ខាងក្រោមនេះជាចំនួនអ្នកគាំទ្រតាមកីឡដ្ឋានទាំង ៤ផ្សេងគ្នា៖
– អង្គរថាយហ្គឺរ ទល់នឹង គិរីវង់សុខសែនជ័យ កីឡដ្ឋានខេត្តហនុមាន មានចំនួន ១,៣២១នាក់
– ព្រៃវែង ទល់នឹង បឹងកេត កីឡដ្ឋានខេត្តព្រៃវែង មានចំនួន ១,៣០៤នាក់
– ព្រះខ័នរាជស្វាយរៀង ទល់នឹង ណាហ្គាវើលដ៍ នៅកីឡដ្ឋានខេត្តស្វាយរៀង មានចំនួន ៣,៤៩០នាក់
– វិសាខា ទល់នឹង អាយ អេស អាយដង្កោរសែនជ័យ នៅកីឡដ្ឋានព្រីនស៍ មានចំនួន ១,២៥៤នាក់។
លទ្ធផលការប្រកួតសប្តាហ៍ទី៣
តារាងចំណាត់ថ្នាក់គិតត្រឹមសប្តាហ៍ទី៣
គួរឱ្យដឹងថាបច្ចុប្បន្នវិសាខា និងស្វាយរៀង គឺជាក្រុមដែលមិនទាន់ចាញ់សោះ ក្រោយឆ្លងកាត់៣ប្រកួត ឈ្នះទាំង៣ប្រកួតដូចគ្នា មាន៩ពិន្ទុក្នុងដៃ ខណៈក្រុមភ្មំពេញក្រោន មានភារកិច្ចត្រូវប្រកួតក្នុងពានរង្វាន់ AFC Cup នៅប្រទេសសិង្ហបុរី ជាហេតុនាំឱ្យក្លិបបាល់ទាត់កងយកងយោធពលខេមរភូមិន្ទ ត្រូវសម្រាកដូចគ្នា នៅក្នុងសប្តាហ៍ទី៣នេះ។
សូមបញ្ជាក់ថា ពានរង្វាន់លីគកំពូលកម្ពុជា Cambodian Premier League រដូវកាល ២០២៣-២៤ មាន១០ក្រុមចូលរួម ដោយក្រុមទាំង១០ ប្រើប្រាស់រូបមន្តប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ដល់លេខ៤មានឈ្មោះឡើងទៅជុំបន្ត ខណៈការប្រកួតរដូវកាល ឆ្នាំ២០២៣-២០២៤ នេះនឹងដំណើរការដល់ខែឧសភា ឆ្នាំ២០២៤៕
