សិល្បៈជាតិ៖ ថ្វីត្បិតតែកម្មវិធីប្រកួតសម្រស់ដ៏ធំកញ្ញាឯកដ៏អស្ចារ្យនៃកម្ពុជា Miss Grand Cambodia បានរកឃើញបេក្ខភាពដែលស័ក្ដិសមនឹងឈ្នះមកុដ គឺកញ្ញា ភឹម ស្រីនោ ដែលនឹងត្រូវបន្តបេសកម្មពីកញ្ញា ពេជ្រ វត្តីសារ៉ាវឌ្ឍី នាំយកមោទកភាពជូនជាតិមាតុភូមិ។ ទោះជាមានសំឡេងសាទរកងរំពងចំពោះជ័យជំនះរបស់កញ្ញា ប៉ុន្តែក៏នៅមានអ្នកដែលមិនព្រមទទួលស្គាល់លទ្ធផលផ្លូវការដែលកម្មវិធីបានប្រកាសជាឱឡារិកក្រោមក្រសែភ្នែកអ្នកទស្សនាផ្ទាល់៣ពាន់នាក់ និងអ្នកទស្សនាការ Live ផ្ទាល់ជិត៧ម៉ឺននាក់ ចេញមករិះគន់ថា បើចង់ជាប់កម្មវិធីនេះគឺទាល់តែចេះថៃ ដូច្នេះបេក្ខភាពដែលចង់ជាប់ត្រូវតែទៅរៀនថៃ។ ខុសពីអ្នកដែលអង្គុយចាំតែរិះគន់ កញ្ញា ណាសាឌី ពិធីការិនីដ៏ស្រស់សោភា និងមានឈ្មោះបោះសំឡេង បានចេញមកប្រតិកម្ម នឹងឆ្លើយតបបែបមិនសំចៃមាត់ចំពោះអ្នកមានទស្សនៈខាងលើនេះ។
បន្ទាប់ពីរាត្រីផ្ទេរមកុដមួយថ្ងៃ ពោលគឺនៅថ្ងៃទី២០ ខែសីហា ណាសាឌី បានចេញមកប្រតិកម្មតាមរយៈបណ្ដាញសង្គមរបស់កញ្ញា ដោយលើកឡើងពីការយល់ឃើញផ្ទាល់ខ្លួនពាក់ព័ន្ធនឹងករណីដ៏រសើបនេះថា៖ «ទាល់តែចេះថៃបានជាប់? បេីចង់ជាប់ទៅរៀនថៃទៅ ខ្ញុំអូស Facebook។
ឃេីញគេសរសេរចឹងច្រេីន ច្រេីនមែនទែន រហូតធ្វេីអោយខ្ញុំដឹងថា អ្នកបានមេីលកម្មវិធីបវរកញ្ញាពិតមែន ប៉ុន្តែអ្នកនៅតែមិនយល់ថាកម្មវិធីចង់បានអ្វីអោយប្រាកដ។ តាំងពីដេីមមក សាឌីចាប់អារម្មណ៍លេី Anna ព្រោះគាត់មុខថ្មី ស្អាត ខ្ពស់ល្អ ហេីយមានប្រជាប្រិយភាពខ្លាំងមែនទែន។ បេីមិនជឿទេ ចូលមេីល IG stories សាឌីបាន ព្រោះថ្ងៃនេះខ្ញុំផុស support anna ប៉ុន្តែគ្រប់យ៉ាងខុសពីការរំពឹងទុក អ្នកឈ្នះពិតប្រាកដគឺជាបង Nano ព្រោះបង Nano ចេះលេង game នេះច្បាស់។ គាត់ស្អាត គាត់ឆ្លាតណាស់ គាត់ confident បំផុត ហើយពេលទទួលពានពិសេសគាត់បានតិចជាងគេទៀតហ៎ ប៉ុន្តែគាត់នៅតែឈ្នះ ពីព្រោះ ចំណេះដឹង និង ភាសាពិតជាសំខាន់ណាស់ ពេលយើងទៅជាន់លើឆាកអន្តជាតិ។ កុំមើលរំលងរឿងទាំងអស់នេះអោយសោះ។ បើអ្នកឆ្លាត ហើយចេះលេង game ច្បាស់អ្នកនឹងឈ្នះ
* PICHY said : រើស Queen ណាដែលមិនសូវមានបញ្ហា ស្រួលពេលទៅ international គេ give point អោយតាមហ្នឹង។ មិនថាបង្កើតឡើងពី Fan ឬ ខាងណាមួយទេ ។
Anna នឹង បង Nano ឆ្លេីយ Q&A ល្អដូចគ្នា ប៉ុន្តែបង Nano និយាយប៉ុន្មានភាសានៅលេីឆាកមុនហ្នឹង? នេះជារឿងសំខាន់ដែលបង Nano ឆក់យកមកុដបាន ហេីយ យើងទាំងអស់គ្នាក៏ដឹងថា នរណាគេគឺជាអ្នកបង្កើតកម្មវិធី Miss grand? ទីបំផុត ចំណេះដឹងនៅតែសំខាន់សំរាប់គ្រប់យ៉ាងទាំងអស់សំរាប់សាឌីអ្នកណាឈ្នះក៏បានឲ្យតែគាត់អាចលើកមុខមាត់ប្រទេសកម្ពុជាលើឆាកអន្តជាតិបាន ហើយរក្សាភាពថ្លៃថ្នូរសំរាប់កម្ពុជាសាឌីមានមោទភាពណាស់ដែលកម្ពុជាអាចរៀបចំកម្មវិធីយ៉ាង perfect ដូចយប់នេះបាន Phoem Sreyno Miss Grand Cambodia Congratulations to new miss grand Cambodia 2023 » ក្រៅពីការបង្ហោះនេះ កញ្ញា ណាសាឌី ធ្លាប់បានបង្ហោះភ្លាមៗក្រោយកញ្ញា ភឹម ស្រីនោ ត្រូវគាត់ស្អាត គាត់ឆ្លាត គាត់មានភាពជឿជាក់លេីខ្លួនឯង គាត់ចេះបត់បែនគ្រប់ស្ថានការណ៍ទាំងអស់។ គាត់ដឹងច្បាស់ថាកម្មវិធីចង់បានអ្វីពិតប្រាកដ ហេីយម្ចាស់កម្មវិធី miss grand ជានរណាគេ ហេីយគាត់ចង់បានអ្វី? ចំណេះដឹង នឹង ភាសាពិតជាសំខាន់សំរាប់គ្រប់ការប្រកួតទាំងអស់។ Big congratulations to our new miss grand Cambodia 2023»
ការឡើងរបស់ ណាសាឌី ត្រូវបានអ្នកវិភាគនិងតាមដានកម្មវិធីប្រកួតសម្រស់ខាងលើយល់ស្របថាមានភាពប្រាកដនិយម និងសមហេតុសមផល មិនមែនគ្រាន់តែលើកឡើងតាមអារម្មណ៍និងការយល់ឃើញផ្ទាល់ខ្លួន ដោយខ្វះការនឹកគិតត្រិះរិះពិចារណា។
ក្នុងនាមជាជនជាតិខ្មែរ អ្នកគាំទ្រទាំងអស់គួរតែហ៊ានទទួលស្គាល់លទ្ធផល ដែលបានប្រកាសជាផ្លូវការកាលពីរាត្រីថ្ងៃទី១៩ ខែសីហា កន្លងទៅ ហើយរួមគ្នាលើកស្ទួយ និងលើកកម្លាំងចិត្ត ជូនដល់បេក្ខនារីកម្ពុជា ដែលនឹងត្រូវជ្រោងទង់ជាតិខ្មែរនៅលើឆាកអន្តរជាតិ ហើយលុបបំបាត់នូវរាល់ការរិះគន់ដែលមានលក្ខណៈជាន់ពន្លិច ធ្វើឱ្យអាប់ឱនចំពោះបេក្ខនារីតំណាងឱ្យប្រទេសកម្ពុជា ដរាបណាខ្មែរមិនជួយខ្មែរគ្នាឯង ខ្មែរបែកបាក់សាមគ្គី យើងមិនអាចយកជ័យជំនះបាននោះឡើយ ហេតុនេះ សង្ឃឹមថាអ្នកគាំទ្រទាំងអស់ នឹងគិតគូរសាជាថ្មីហើយជួយគ្នា ធ្វើយ៉ាងណា ផ្សព្វផ្សាយល្អៗពី Miss Grand Cambodia 2023 កញ្ញា ភឹម ស្រីនោ ដើម្បីឱ្យកិត្តិនាមស្ត្រីខ្មែររូបនេះ មានការចាប់អារម្មណ៍និងទទួលបានក្ដីស្រលាញ់និងការគាំទ្រដូចរៀមច្បងពេជ្រវត្តីសារ៉ាវឌ្ឍី ដូចទៅនឹងអ្វីដែលកញ្ញា ណាសាឌីបានលើកឡើងខាងលើ៕
ទស្សនាវីដេអូទាំងស្រុងខាងក្រោមនេះ៖
