ក្រុមភ្នំពេញក្រោន (កម្ពុជា) នឹងត្រូវប៉ះក្រុម Tampines Rovers FC (សិង្ហបុរី) ក្នុងពានរង្វាន់ AFC Cup នៅប្រទេសសិង្ហបុរី នៅវគ្គជម្រុះ Play Off Round ASEAN Zone នៅកីឡដ្ឋាន Jalan Besar ប្រកួតនៅថ្ងៃទី២៣ ខែសីហា ឆ្នាំ២០២៣ វេលាម៉ោង ៦:៣០នាទីល្ងាច។
សម្រាប់ការប្រកួតនេះដែរ តារយ:ផេកផ្លូវការរបស់ Tampines Rovers Football Club បានបង្ហាញពីតម្លៃសំបុត្រចូលតស្សនាចាប់ពី ៥ដុល្លារ និង ១៥ដុល្លារ នឹងចាប់ផ្តើមដាក់លក់នៅម៉ោង ៦:៣០ល្ងាចនេះតទៅ នៅច្រកចូលពហុកីឡដ្ឋាន Jalan Besar សម្រាប់អ្នកគាំទ្រទាំងម្ចាស់ផ្ទះ និងក្រៅផ្ទះ។
សូមជម្រាប់ថា វគ្គជម្រុះ Play Off Round នឹងធ្វើឡើងនៅថ្ងៃទី២៣ ខែសីហា ឆ្នាំ២០២៣ ASEAN Zone ក៏មានមួយគូទៀតត្រូវប្រកួតគឺ PSM Makassar (ឥណ្ឌូណេស៊ី) ប៉ះ Yangon United (មីយ៉ាន់ម៉ា) នៅកីឡដ្ឋាន Kapten I Wayan Dipta វេលាម៉ោង ៦:០០នាទីល្ងាច។
ដោយឡែកសម្រាប់វគ្គជម្រុះបឋមប្រចាំតំបន់អាស៊ាន ហៅថា Preliminary កាលពីថ្ងៃទី ១៦ ខែសីហា ឆ្នាំ២០២៣ ក្នុងនោះ៖ គូទី១៖ ភ្នំពេញក្រោន (កម្ពុជា) ៣-០ Young Elephants (ឡាវ) គូទី២៖ Yangon United (មីយ៉ាន់ម៉ា) ២-១ Kasuka (ប្រ៊ុយណេ)៕
