ក្រុមភ្នំពេញក្រោន (កម្ពុជា) នឹងត្រូវប៉ះក្រុម Tampines Rovers FC (សិង្ហបុរី) ក្នុងពានរង្វាន់ AFC Cup នៅប្រទេសសិង្ហបុរី នៅវគ្គជម្រុះ Play Off Round ASEAN Zone នៅកីឡដ្ឋាន Jalan Besar ប្រកួតនៅថ្ងៃទី២៣ ខែសីហា ឆ្នាំ២០២៣ វេលាម៉ោង ៦:៣០នាទីល្ងាច។
ដោយសារការប្រកួតខាងលើមិនមានការផ្សាយផ្ទាល់ពីសំណាក់ក្រុមម្ចាស់ផ្ទះសិង្ហបុរី ឡើយទើបក្រុមការងារ ខេមបូឌានព្រីមៀរលីគ (CPL) ជាអ្នកធ្វើការផ្សាយផ្ទាល់ជំនួបរវាងភ្នំពេញក្រោន ប៉ះ Tampines Rovers ជូនបងប្អូនទស្សនា នឹងដើម្បីគាំទ្រក្រុមរបស់កម្ពុជាយើង។
សម្រាប់ការប្រកួតនេះដែរ តាមរយ:ផេកផ្លូវការរបស់ Tampines Rovers Football Club បានបង្ហាញពីតម្លៃសំបុត្រចូលតស្សនាចាប់ពី ៥ដុល្លារ និង ១៥ដុល្លារ នឹងបានដាក់លក់នៅច្រកចូលពហុកីឡដ្ឋាន Jalan Besar សម្រាប់អ្នកគាំទ្រទាំងម្ចាស់ផ្ទះ និងក្រៅផ្ទះ។
ប៉ុន្តែបងប្អូនខ្មែរទាំងអស់ដែលរស់នៅប្រទេសសិង្ហបុរី អាចនឹងទទួលបានសំបុត្រ Free ដោយគ្រាន់់តែ៖
- យកទង់ជាតិកម្ពុជា
- ស្លៀកពាក់ពណ៌ក្រហម (ព្រោះ PPC មានពណ៌ក្រហម)
- នាយកប្រតិបត្តិនៃ CPL និង GS នៃ PPC សូមគោរព និងអញ្ជើញបងប្អូនខ្មែរទាំងអស់ដែលរស់នៅប្រទេសសិង្ហបុរី និងសុំលើកទឹកចិត្តក្រុមតំណាងកម្ពុជាភ្នំពេញក្រោន
- សូមធ្វើការទំនាក់ទំនង Phnom Penh Crown FC ទទួលបានសំបុត្រ។
ចំពោះវគ្គជម្រុះ Play Off Round នឹងធ្វើឡើងនៅថ្ងៃទី២៣ ខែសីហា ឆ្នាំ២០២៣ ASEAN Zone ក៏មានមួយគូទៀតត្រូវប្រកួតគឺ PSM Makassar (ឥណ្ឌូណេស៊ី) ប៉ះ Yangon United (មីយ៉ាន់ម៉ា) នៅកីឡដ្ឋាន Kapten I Wayan Dipta វេលាម៉ោង ៦:០០នាទីល្ងាច៕
