ជនសង្ស័យម្នាក់ត្រូវបានបងប្អូនប្រជាពលរដ្ឋនិង កម្លាំងសមត្ថកិច្ចចាប់ខ្លួនបានភ្លាមៗ បន្ទាប់ពីធ្វើសកម្មភាព ចូលលួច យករថយន្ត TACOMA បម្រុងបើកចេញ កាលពីវេលាម៉ោង២និង១០នាទីរសៀល ថ្ងៃទី២១ ខែកក្កដា ឆ្នាំ២០២១ នៅចំណុច ផ្លូវ ជាតិ លេខ ៣ចន្លោះគីឡូម៉ែត្រ ៦១-៦២ ស្ថិតនៅក្នុងភូមិខ្នាចខាងត្បូង ឃុំបឹងត្រាញ់ខាងជើង ស្រុកសំរោង ខេត្តតាកែវ ។
ជនសង្ស័យដែលសមត្ថកិច្ចឃាត់ខ្លួនបាន ឈ្មោះ ជួន វី ឡា ភេទ ប្រុស អាយុ ២៩ ឆ្នាំ ស្នាក់នៅផ្ទះជួលក្នុងភូមិ ទួលពង្រ សង្កាត់ចោមចៅ១ ខណ្ឌពោធិសែនជ័យ មានស្រុកកំណើតភូមិយាយអុក ឃុំច្រកម្ទេស ស្រុកស្វាយទាប ខេត្តស្វាយរៀង។ រថយន្តដែលជនសង្ស័យប៉ុនប៉ងលួចម៉ាក TOYOTA TACOMA ពណ៌ទឹកប្រាក់ស៊េរីឆ្នាំ២០០០ ពាក់ស្លាកលេខ ភ្នំពេញ 2AA-6339 មានម្ចាស់រងគ្រោះ ឈ្មោះ ឡោ ប៊ុន ថេង ភេទប្រុស អាយុ២៩ ឆ្នាំ មានទីលំនៅ ភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ ។
តាមសមត្ថកិច្ចបានឲ្យដឹងថា មុនកើតហេតុ ខណៈដែលជនរងគ្រោះ ចតរថយន្តទុកនៅខាងក្រោយផ្ទះ រវល់តែ នៅខាងមុខ ស្រាប់ តែនៅវេលាម៉ោងខាងលើ ជនសង្ស័យលបចូលទៅធ្វើសកម្មភាព ឆ្កឹះទ្វាររថយន្តចូលប៉ុនប៉ង បើក ចេញទៅតាមផ្លូវចំហៀង។ពេលនោះម្ចាស់រថយន្ត បានឮសូរសម្លេង ស្ទុះរត់ទៅមើល ប្រទះឃើញជនសង្ស័យ ទើបស្រែកឆោឡោ ផ្អើលអ្នកជិតខាង នាំគ្នា ជួយរាំងផ្លូវ សមត្ថកិច្ចចុះទៅឃាត់ខ្លួនបានភ្លាមៗ ។
ក្រោយពីចាប់ខ្លួនបាន ជនសង្ស័យត្រូវបាននាំខ្លួនទៅការិយាល័យជំនាញស្នងការខេត្តតាកែវ ដើម្បីកសាងសំណុំរឿង បញ្ជូនទៅ តុលាកាចាត់ការតាមនីតិវិធី ៕
អត្ថបទ ៖ តាតុងពោធិសែនជ័យ