ការប្រកួតពានរង្វាន់សម្តេចតេជោ ហ៊ុន សែន ថ្នាក់ខេត្តបានឈានដល់ការប្រកួតក្នុងសប្តាហ៍ទី១៨ ហើយ ដោយព្រះសីហនុ ឈ្នះកែប, ភ្នំពេញហ្គាឡាក់ស៊ី ឈ្នះកំពង់ស្ពឺ, កំពង់ឆ្នាំ ស្នើត្បូងឃ្មុំ ខណ:គ្រាប់បាល់កើតឡើង ១១គ្រាប់ ក្រោយបញ្ចប់ការប្រកួតថ្ងៃទី២៩ ខែសីហា ឆ្នាំ២០២៣។
លទ្ធផលប្រកួតថ្ងៃទី២៩ ខែសីហា ឆ្នាំ២០២៣៖
-ខេត្តកែប ០-៤ ព្រះសីហនុ នៅកីឡដ្ឋានខេត្តកែប
-ភ្នំពេញហ្គាឡាក់ស៊ី ៣-២ អយកខេត្តកំពង់ស្ពឺ នៅទីលានវិទ្យាល័យ ច្បារអំពៅ
-ខេត្តកំពង់ឆ្នាំ ១-១ ត្បូងឃ្មុំ នៅកីឡដ្ឋានខេត្តកំពង់ឆ្នាំ
ការប្រកួតវគ្គសន្សំពិន្ទុក្នុងពូល នឹងបិទបញ្ចប់ជាផ្លូវការនៅថ្ងៃទី៣០ សីហា ខណៈការប្រកួតវគ្គ ៨ក្រុមចុងក្រោយ នឹងធ្វើឡើងនៅថ្ងៃទី៥ ខែកញ្ញា ដល់ថ្ងៃទី១៣ ខែកញ្ញា ឆ្នាំ២០២៣ ។ ក្រុមឈ្នះ នឹងឡើងទៅវគ្គ ៤ក្រុមចុងក្រោយ ប្រកួតជើងទី១ ធ្វើឡើងនៅថ្ងៃទី២០ ខែកញ្ញា និងជើងទី២នៅថ្ងៃទី២៧ ខែកញ្ញា ឆ្នាំ២០២៣ រួចបន្តយកក្រុមឈ្នះ ២ក្រុមទៅជួបគ្នានៅវគ្គផ្តាច់ព្រ័ត្រ ដែលនឹងគ្រោងធ្វើឡើងនៅថ្ងៃទី៧ ខែតុលា ឆ្នាំ២០២៣ ខាងមុខ។
សូមជម្រាបថា ការប្រកួតពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ មាន ២០ក្រុមចូលរួមប្រកួតតំណាងរាជធានីខេត្ត បែងចែកជា៤ពូល ក្នុង១ពូលមាន ៥ក្រុមបានចាប់ផ្តើមការប្រកួតនៅថ្ងៃទី២៨ ខែមិនា ឆ្នាំ២០២៣ គ្រោងនឹងបញ្ចប់នៅថ្ងៃទី៧ ខែតុលា ឆ្នាំ២០២៣៕