បេកាំង (AP) ៖ បុរសម្នាក់បានសារភាពថាខ្លួនបានប្រើល្បិចឆបោកប្រាក់តារាចម្រៀងប៉ុប ចិន-កាណាដា Kris Wu ទៅលើករណីបង្អកស្រាហើយបានរំលោភទៅលើក្មេងស្រីវ័យជំទង់ម្នាក់ នេះបើតាមការឱ្យដឹងពីសមត្ថកិច្ចនគរបាលប៉េកាំងបានឱ្យដឹងកាលពីថ្ងៃព្រហស្បត្តិ៍ម្សិលមិញនេះ។
សូមចុចអាន តារាល្បី Kris Wu ចេញមកច្រានចោលថាគ្មានការល្បួងលួងលោមក្មេងស្រីយកទៅរំលោភ!
បុរសម្នាក់ដែលត្រូវបានប៉ូលិសប្រាប់ឱ្យដឹងថាត្រឹមនាមត្រកូលឈ្មោះ លាវ បានបន្លំខ្លួនជាមេធាវីរបស់ស្ត្រីដែលបានចោទប្រកាន់លើ Kris Wu ថាបានរំលោភលើនាងក្នុងពេលនាងស្រវឹង។ បុរសឈ្មោះលាវនោះ បានចរចាជាមួយនឹងម្ដាយរបស់ Kris ដោយឱ្យលោកស្រីផ្ញើប្រាក់ទៅស្ត្រីរូបនោះចំនួន ៥០ម៉ឺនយន់ (Yuan) ប្រមាណ ៧ម៉ឺន ៧ពាន់ដុល្លារសហរដ្ឋអាមេរិក)។
សូមចុចអាន Kris Wu បដិសេធបញ្ឆោតក្មេងស្រី អនីតិជន ដោយប្រើប្រាស់ការសម្ដែង និង ច្រៀងជាធ្នាក់!
បុរសខាងលើបានឃើញដំណឹងស្ដីពីករណីចោទប្រកាន់របស់ស្ត្រីរូបនោះនៅលើអនឡាញ ហើយបានទាក់ទងទៅកាន់នាង ព្រមទាំងប្រមូលបានព័ត៌មានជាច្រើនដែលអាចឱ្យលោកបន្លំខ្លួនធ្វើជាមេធាវីរបស់នារីរូបនោះ នេះបើតាមការប្រកាសរបស់សមត្ថកិច្ច។ ចំពោះករណីខាងលើនេះមានសញ្ញាណាមួយថាស្ត្រីរូបនេះត្រូវបានប្ដឹងចោទពីបទផ្សំគំនិតជាមួយករណីឆបោកខាងលើនេះទេ។
បុរសដដែលនោះបាននិយាយជាមួយនឹងម្ដាយរបស់ Kris Wu ដោយឱ្យលោកស្រីវេរប្រាប់ទៅស្ត្រីរូបចំនួន៧ម៉ឺន៧ពាន់ដុល្លារ ហើយក្រោយមក ឈ្មោះ លាវ នោះបានបន្លំខ្លួនធ្វើជាមេធាវី របស់ Kris Wu ហើយបានបញ្ចុះបញ្ចូលឱ្យនារីរូបនោះវេរប្រាក់មកឱ្យលោក តាមសេចក្ដីប្រកាស។
បុរសឈ្មោះ លាវ នោះត្រូវបានចាប់ខ្លួនកាលពីថ្ងៃអាទិត្យកន្លងមកនៅតំបន់ ណាន់ទុង ក្បែរក្រុងស៊ាងហៃ ក្រោយម្ដាយរបស់អតីតសមាជិកក្រុម EXO រូបនេះបានប្ដឹងប៉ូលិសថាគ្រួសាររបស់ខ្លួនត្រូវបានគេឆបោក នេះបើយោងតាមនាយកដ្ឋានប៉ូលិសរបស់ទីក្រុងប៉េកាំងលើកឡើង ដោយបុរសរូបនោះក៏បានទទួលសារភាពផងដែរ។
រំលឹកឡើងវិញយោងដំណឹងលើអនឡាញ NetEast បានឱ្យដឹងថា Kris Wu ឬ Wu Yifan បានបង្អកស្រាឱ្យនារីរូបនោះផឹកស្រវឹងនៅក្នុងកម្មវិធីជប់លាងមួយកាលពីខែធ្នូកន្លងទៅ ក្រោយមកនារីនោះបានដឹងខ្លួនឡើងវិញនៅលើគ្រែរបស់ Kris ខណៈដែលតារារូបនេះបានឆ្លើយតបថារូបគេពិតជាបានជួបនារីរូបនោះមែន ប៉ុន្តែបដិសេធ ករណីចោទប្រកាន់រឿងបង្អកស្រា និង នាំនាងឡើងគ្រែ៕
ប្រភព៖ USATODAY