នៅព្រឹកថ្ងៃទី៦ ខែកញ្ញា ឆ្នាំ២០២៣ សហព័ន្ធបាល់ទាត់កម្ពុជា បានរៀបចំសន្និសិទសារព័ត៌មានស្តីអំពីចំណាប់អារម្មណ៏របស់គ្រូបង្វឹករបស់កម្ពុជា និងហុងកុង រួមទាំងប្រធានក្រុមទាំងពីរមុនការប្រកួតមកដល់នៅថ្ងៃទី៧ ខែកញ្ញា ឆ្នាំ២០២៣ ស្អែកនេះ។

លោក Jørn Andersen គ្រូបង្គោលក្រុ​មហុងកុងបានលើកឡើងក្នុងកិច្ចសម្ភាសន៏ថា៖ «ក្រុមបាល់ទាត់ហុងកុង មានកីឡាករដែលចូលសញ្ញាតិនោះ មិនមែនជារឿងចម្លែកនោះទេ បើនិយាយពីប្រទេសថៃ ឥណ្ឌូណេស៊ី និងហ្វីលីពីន វិញក៏មានកីឡាករចូលសញ្ញាតិក្នុងក្រុមជម្រើសជាតិរបស់ពួកគេផងដែល ដូចនេះលោកគិតថា ជារឿងធម្មតា សំខាន់លោកត្រូវដឹកនាំក្រុមជម្រើសជាតិហុងកុង ឱ្យខ្លាំងជាងឆ្នាំមុនៗ ជាពិសេសគោលដៅ FIFA World Cup 2026»។

សូមជម្រាប់ដែរថា លោក Jørn Andersen បច្ចុប្បន្នលោកមានវ័យ ៦០ឆ្នាំ ធ្លាប់ជាកីឡាករជម្រើសជាតិន័រវេសចន្លោះឆ្នាំ១៩៨៥ ដល់ឆ្នាំ១៩៩០ បានចូលដឹកនាំក្រុមជម្រើសជាតិហុងកុង នៅដើមឆ្នាំ២០២១ កន្លងទៅ។

សម្រាប់ក្រុមជម្រើសជាតិហុងកុង ក្រោយប្រកួតទល់នឹងក្រុមជម្រើសជាតិកម្ពុជា រួច នឹង​ធ្វើ​ដំណើរ​ទៅ​កាន់​ទឹកដី​របស់​ខ្លួន​វិញ​ដោយ​បើកទ្វាកីឡដ្ឋាន Venue Hong Kong Stadium ទទួលក្រុមជម្រើសជាតិប៊្រុយណេ ដែលការប្រកួត​នឹងធ្វើ​ឡើងនៅថ្ងៃទី ១១ ខែសីហា ឆ្នាំ២០២៣ ខាងមុខ។

ខាងក្រោមនេះជាប្រវត្តិជួបគ្នារវៀងក្រុមកម្ពជា និងហុងកុង៖

លើក​ទី១៖ នៅ​ថ្ងៃ​ទី​៣១ សីហា ១៩៥៧ ក្នុង​ពានរង្វាន់ Merdeka Tournament នៅ​ប្រទេស​ម៉ាឡេស៊ី
ហុងកុង ឈ្នះ​ កម្ពុជា ដោយ​លទ្ធផល ៦-២

លើក​ទី២​៖ នៅ​ថ្ងៃ​២៤ ឧសភា ១៩៧១ ក្នុ​ង​វគ្គ​ជម្រុះ​ពានរង្វាន់ជើង​ឯក​ទ្វីប​អាស៊ី AFC Asian Cup នៅ​ប្រទេស​ថៃ កម្ពុជា ឈ្នះ​ ហុងកុង ដោយ​លទ្ធផល ២-១

លើក​ទី៣៖ នៅ​ថ្ងៃ​ទី​១០ សីហា ១៩៧២ ក្នុង​ពានរង្វាន់​ប្រកួត Merdeka Tournament
 កម្ពុជា ឈ្នះ​ហុងកុង ដោយ​លទ្ធផល ១-០

លើក​ទី៤៖ នៅ​ថ្ងៃ​ទី ១៨ តុលា ១៩៩៩ ក្នុង​វគ្គ​ជម្រុះ​ជើង​​ឯក​ទ្វីប​អាស៊ី AFC Asian Cup នៅ​ហុងកុង
ក្រុម​ហុងកុង ឈ្នះ​ កម្ពុជា ដោយ​លទ្ធផល ៤-១

លើក​ទី៥៖ ថ្ងៃ​ទី ៧ វិច្ឆិកា ១៩៩៩ ក្នុង​វគ្គ​ជម្រុះ​ជើង​​ឯក​ទ្វីប​អាស៊ី AFC Asian Cup នៅ​រាជធានី​ភ្នំពេញ
កម្ពុជា ចាញ់ហុងកុង ដោយ​លទ្ធផល ១-០

លើក​ទី៦ ថ្ងៃ​ទី ១ កញ្ញា ២០១៦ ប្រកួត​មិត្តភាពអន្តរជាតិ នៅ​ហុង​កុង ក្រុម​ហុងកុង បន្ត​ឈ្នះ​កម្ពុជា ដោយ​លទ្ធផល ៤-២

លើក​ទី៧៖ ថ្ងៃ​ទី ៦ តុលា ២០១៦ ប្រកួត​មិត្តភាពអន្តរជាតិ​ នៅ​រាជធានី​ភ្នំពេញ ក្រុម​កម្ពុជា ចាញ់ ហុងកុង ដោយ​លទ្ធផល ២-០

លើក​ទី៨៖ ថ្ងៃ៥ សីហា ២០១៩ ក្នុង​វគ្គជម្រុះ World Cup នៅ​​រាជធានី​ភ្នំពេញ កម្ពុជា ស្មើ​គ្នា​ជាមួយ​ ហុងកុង ដោយ​លទ្ធផល ១-១

លើក​ទី៩៖ ថ្ងៃ​ទី​១៩ វិច្ឆិកា ២០១៩ ក្នុង​វគ្គជម្រុះ World Cup នៅ​ហុងកុង ក្រុម​ហុងកុង ឈ្នះ​ កម្ពុជា ដោយ​លទ្ធផល ២-០

លើក​ទី១០៖ ថ្ងៃ​ទី​១១ មិថុនា ឆ្នាំ២០២២ ក្នុង​វគ្គ​ជម្រុះ​ពានរង្វាន់​ជើង​​ឯក​ទ្វីប​អាស៊ី AFC Asian Cup
នៅ​ឥណ្ឌា កម្ពុជា ចាញ់​ហុងកុង ៣-០

ទាំង​ក្រុម​កម្ពុជា និង​ហុងកុង មានភារៈកិច្ចសំខាន់ ដូចគ្នាដែរ នៅ​ចុងឆ្នាំនេះ ដោយ​កម្ពុជា ​ត្រូវ​ប្រកួត​ វគ្គជម្រុះបឋម នៃពានរង្វាន់បាល់ទាត់ពិភពលោក FIFA World Cup 2026 ដោយ​ប៉ះ​ក្រុម​ប៉ាគីស្ថាន ហើយ​ក្រុម​ហុងកុង ស្ថិត​ក្នុង​វគ្គ​ចែក​ពូល​ជុំទី២ ប្រចាំ​ទ្វីបអាស៊ី៕

Share.