ពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ នឹងការប្រកួតចំនួន ៣គូនៅរសៀលនេះ មាន កំពត ប៉ះខេត្តកំពងស្ពឺ, ខេត្តព្រះសីហនុ ប៉ះ ភ្នំពេញហ្គាឡាក់ស៊ី, សូហ្វីយ៉ាប៉ៃលិន ប៉ះ យុវជនបាត់ដំបង។
កម្មវិធីប្រកួតថ្ងៃពុធ ទី១៣ ខែកញ្ញា មានដូចខាងក្រោម៖
-កំពត ហ្វេស៊ី ប្រកួតជាមួយ មន្ទីរ អយក ខេត្តកំពង់ស្ពឺ សម្រាប់សប្ដាហ៍ទី១២ វេលាម៉ោង ៣:៣០នាទីរសៀល នៅពហុកីឡដ្ឋានខេត្តកំពត
-ខេត្តព្រះសីហនុ ប្រកួតជាមួយ ភ្នំពេញហ្គាឡាក់ស៊ី សម្រាប់សប្ដាហ៍ទី១៦ វេលាម៉ោង ៣:៣០នាទីរសៀល នៅទីលានសាកលវិទ្យាល័យឡាយ
-សូហ្វីយ៉ាប៉ៃលិន ប្រកួតជាមួយ យុវជនបាត់ដំបង សម្រាប់សប្ដាហ៍ទី១៧ វេលាម៉ោង ៣:៣០នាទីរសៀល នៅទីលានសាកលវិទ្យាល័តាគ្រាម
២ក្រុមដែលមិនទាន់ចាញ់សោះ នៃពានរង្វាន់សម្តេចតេជោ ហ៊ុន សែន (Hun Sen Cup) ថ្នាក់ខេត្ត ភ្នំពេញហ្គាឡាក់ស៊ី ឈរកំពូលតារាងពូល ក លេងបាន ៧ប្រកួត ឈ្នះ៥ ស្មើ២ មាន ១៧ពិន្ទុ ខណ:ត្បូងឃ្មុំ ឈរកំពូលតារាងពូល ខ លេងបាន ៨ប្រកួត ឈ្នះ៧ ស្មើ១ មាន ២២ពិន្ទុ។
ក្រោយចប់ការប្រកួតវគ្គសន្សំពិន្ទុក្នុងពូល នឹងត្រូវជ្រើសរើសយកក្រុមលេខ១ និងលេខ២ តាមពូលនិមួយៗ ឡើងទៅកាន់វគ្គ ៨ក្រុមចុងក្រោយ។ ក្រុមឈ្នះ នឹងឡើងទៅវគ្គ ៤ក្រុមចុងក្រោយ រួចបន្តយកក្រុមឈ្នះ ២ក្រុមទៅជួបគ្នានៅវគ្គផ្តាច់ព្រ័ត្រ ដែលនឹងគ្រោងធ្វើឡើងនៅខែតុលា ឆ្នាំ២០២៣ ខាងមុខ។
ការប្រកួតពានរង្វាន់សម្តេចតេជោ ហ៊ុន សែន (Hun Sen Cup) លើកទី១៧ ថ្នាក់ខេត្ក ឆ្នាំ២០២៣-២០២៤ មាន ២០ក្រុមចូលរួមប្រកួតតំណាងរាជធានីខេត្ត បែងចែកជា៤ពូល ក្នុង១ពូលមាន ៥ក្រុមបានចាប់ផ្តើមការប្រកួតនៅថ្ងៃទី២៨ ខែមិនា ឆ្នាំ២០២៣ គ្រោងនឹងបញ្ចប់នៅថ្ងៃទី៧ ខែតុលា ឆ្នាំ២០២៣៕
