ពានរង្វាន់ AFC U23 Asian Cup Qatar 2024 វគ្គជម្រុះ បានបញ្ចប់កាលពីរាត្រីថ្ងៃអង្គារ ទី១២ ខែកញ្ញា ឆ្នាំ២០២៣ ដោយរកឃើញជើងខ្លាំងចំនួន១៥ រួមទាំងម្ចាស់ផ្ទះកាតា សរុប១៦ប្រទេស កក់សំបុត្រយន្តហោះវគ្គបន្ត។
ប្រទេសចំនួន១៥ កក់សំបុត្រយន្តហោះទៅកាតា នៃពានរង្វាន់ AFC U-23 Asian Cup 2024៖
- កាតា ម្ចាស់ផ្ទះ
- ហ្សកដានី លេខ១ ពូល A
- កូរ៉េខាងត្បូង លេខ១ ពូល B
- វៀតណាម លេខ១ ពូល C
- ជប៉ុន លេខ១ ពូល D
- អ៊ូសបេគីស្ថាន លេខ១ ពូល E
- អ៊ីរ៉ាក់ លេខ១ ពូល F
- អារ៉ាប់រួម លេខ១ ពូល G
- ថៃ លេខ១ ពូល H
- អូស្ត្រាលី លេខ១ ពូល I
- អារ៉ាប៊ីសាអូឌីត លេខ១ ពូល J
- ឥណ្ឌូណេស៊ី លេខ១ ពូល K
- គុយវ៉ែត លេខ២ល្អ
- តាហ្ស៊ីគីស្ថាន លេខ២ល្អ
- ចិន លេខ២ល្អ
- ម៉ាឡេស៊ី លេខ២ល្អ។
វគ្គចែកពូល នៃពានរង្វាន់ប្រចាំទ្វីបអាស៊ី AFC U23 Asian Cup ដែលប្រទេសកាតា ទទួលរៀបចំធ្វើជាម្ចាស់ផ្ទះ នឹងចាប់ពីថ្ងៃទី១៥ ខែមេសា រហូតដល់ថ្ងៃទី៣ ខែឧសភា ឆ្នាំ២០២៤ ខាងមុននេះ។
ព្រឹត្តិការណ៍ពានរង្វាន់ក្នុងតំបន់អាស៊ី AFC U-23 Asian Cup បង្តើតឡើងដំបូង២០១៣ ដោយក្រុមជម្រើសជាតិអ៊ីរ៉ាក់ គឺជាម្ចាស់ជើងឯក ឆ្នាំដំបូង, នៅឆ្នាំ២០១៦ ក្រុមជម្រើសជាតិជប៉ុន ម្ចាស់ជើងឯក, ឆ្នាំ២០១៨ ក្រុមជម្រើសជាតិអ៊ូបេគីស្ថាន ម្ចាស់ជើងឯក, ឆ្នាំ២០២០ ក្រុមជម្រើសជាតិកូរ៉េខាងត្បូង ម្ចាស់ជើងឯក និងឆ្នាំ២០២២ ក្រុមជម្រើសជាតិអារ៉ាប់ប៊ីសាអូឌីត ក្លយជាម្ចាស់ជើងឯក៕
