វៀតណាម បានរៀបចំធ្វើជាម្ចាស់ផ្ទះ ព្រឹត្តិការណ៍ប្រកួតកីឡាបាល់ទះពានរង្វាន់កងទ័ពអាស៊ាន ឆ្នាំ២០២៣ Asean Armies Volleyball Tournament 2023 ដើម្បីរួមចំណែកផ្សព្វផ្សាយ និងបង្កើនទំនាក់ទំនងសហប្រតិបត្តិការ សាមគ្គីភាព និងការយល់ដឹងគ្នាទៅវិញទៅមករវាងកងទ័ព និងបណ្តាប្រទេសអាស៊ានក្នុងស្មារតី “កីឡាតភ្ជាប់ចំណងមិត្តភាព”។
កម្ពុជា បានបញ្ជូលក្រុមកីឡាកររបស់កងយោធពលខេមរភូមិន្ទ (ទ័ព) តំណាងកម្ពុជា ចូលរួមប្រកួតខួបកងទ័ពអាស៊ាន នៅទីក្រុងហូជីមិញ ប្រទេសវៀតណាម។ ខណ:ទង់ជាតិនៃប្រទេសនីមួយៗក្នុងតំបន់អាស៊ាន ដែលចូលរួមការប្រកួត ត្រូវបានបង្ហូតឡើងនៅមុខមជ្ឈមណ្ឌលកីឡាការពារជាតិលេខ២ ក្នុងទឹកដីនៃប្រទេសវៀតណាម កាលពីថ្ងៃទី១ ខែតុលា ឆ្ន២០២៣។
ក្នុងការប្រកួតនេះ ក្រៅពីវៀតណាមដែលជាម្ចាស់ផ្ទះ ក៏មានការចូលរួមពីក្រុមមកពីប្រទេសចំនួន ៦ ផងដែររួមមាន៖ ថៃ ម៉ាឡេស៊ី ឡាវ កម្ពុជា ឥណ្ឌូនេស៊ី និងហ្វីលីពីន។កម្មវិធីប្រកួត នឹងចាប់ផ្ដើមនៅថ្ងៃនេះហើយ ដោយក្រុមទ័ពរបស់កម្ពុជាត្រូវប្រកួតបើក ឆាក ទល់ក្រុមម្ចាសផ្ទះវៀតណាមនៅវេលាម៉ោង ៧:០០ល្ងាច ថ្ងៃទី៣ ខែតុលា ឆ្នាំ២០២៣ក្នុងទីក្រុង ហូជីមិញ ប្រទេសវៀតណាម។
កម្មវិធីប្រកួតកីឡាបាល់ទះពានរង្វាន់កងទ័ពអាស៊ាន ឆ្នាំ២០២៣ Asean Armies Volleyball Tournament 2023៖