នៅព្រឹកថ្ងៃចន្ទ ទី៩ ខែតុលា ឆ្នាំ២០២៣ ក្រុមបាល់ទាត់ជម្រើសជាតិប៉ាគីស្ថាន ធ្វើដំណើរមកដល់រាជធានីភ្នំពេញ ប្រទេសកម្ពុជា ៣ថ្ងៃមុនការប្រកួតវគ្គជម្រុះ FIFA World Cup 2026 ជុំទី១ ទល់នឹងក្រុមជម្រើសជាតិកម្ពុជា ដែលឡើងនៅថ្ងៃទី១២ ខែតុលា ឆ្នាំ២០២៣ នៅពហុកីឡដ្ឋានជាតិ (ស្តាតអូឡាំពិក) វេលាម៉ោង ៧:០០នាទីយប់។
ប្រវិត្តជួបគ្នាចំនួន២ ៖
-ថ្ងៃទី៦ ខែមិថុនា ឆ្នាំ២០១៩ កម្ពុជា ២-០ ប៉ាគីស្ថាន វគ្គជម្រុះ World Cup នៅពហុកីឡដ្ឋានជាតិ (ស៊ុតបញ្ចូលទីដោយ៖ គួច សុកុម្ភៈ និង សៀង ចន្ធា) – Man of the Match កែវ សុខសិលា។
-ថ្ងៃទី១១ ខែមិថុនា ឆ្នាំ២០១៩ ប៉ាគីស្ថាន ១-២ កម្ពុជា វគ្គជម្រុះ World Cup (ស៊ុតបញ្ចូលទីដោយ៖ រ៉ឹង ប៊ុនហៀង និង សេត រ៉ស៊ីប) – Man of the Match សេត រ៉ស៊ីប។
កម្មវិធីប្រកួតវគ្គជម្រុះ World Cup៖
-ថ្ងៃទី១២ ខែតុលា កម្ពុជា ប៉ះ ប៉ាគីស្ថាន ជើងទី១ ៧:០០នាទីយប់ នៅពហុកីឡដ្ឋានជាតិ (ស្តាតអូឡាំពិក)
-ថ្ងៃទី១៧ ខែតុលា ប៉ាគីស្ថាន ប៉ះ កម្ពុជា ជើងទី២ នៅកីឡដ្ឋាន Jinnah Sports។
សម្រាប់តារាងចំណាត់ថ្នាក់ FIFA Ranking របស់ពិភពលោក ក្រុមជម្រើសជាតិប៉ាគីស្ថាន ស្ថិតនៅលេខរៀងទី ១៩៧ ស្របពេលដែលកម្ពុជា ស្ថិតនៅលេខទី ១៧៧៕
