ខ្សែប្រយុទ្ធរបស់ក្លិបព្រះខ័នរាជស្វាយរៀង Marcus Warren Haber បន្តកាន់កាប់តំណែង Top Scorers ក្រោយរកបានបន្ថែម ១គ្រាប់ទៀត ជួយក្រុមយកឈ្នះបឹងកេត ប្រកួតនៅសប្ដាហ៍ទី៩ នៃពានរង្វាន់លីគកំពូលកម្ពុជា Cambodian Prmier League រដូវកាល ២០២៣-២៤។
Marcus Haber ក៏ជាកីឡាករដែលរកគ្រាប់បាល់បានគ្រប់ការប្រកួត មានសរុប ១៣គ្រាប់ ស្របពេលដែរព្រះខ័នរាជស្វាយរៀង ឈ្នះគ្រប់ការប្រកួត។
គ្រាប់បាល់រកបានរបស់ Marcus Haber មានដូចខាងក្រោម៖
- សប្ដាហ៍ទី១៖ ឈ្នះ Tiffy Army ២-០ នៅកីឡដ្ឋានស្តាត់ចាស់ Marcus Haber រកបាន ២គ្រាប់ម្នាកឯង
- សប្ដាហ៍ទី២៖ ឈ្នះភ្នំពេញក្រោន ២-១ នៅកីឡដ្ឋានខេត្តស្វាយរៀង Marcus Haber រកបាន ២គ្រាប់ម្នាកឯង
- សប្ដាហ៍ទី៣៖ ឈ្នះណាហ្គាវើលដ៍ ១-០ នៅកីឡដ្ឋានខេត្តស្វាយរៀង Marcus Haber រកបាន ១គ្រាប់ម្នាកឯង
- សប្ដាហ៍ទី៤៖ ឈ្នះ ISI ដង្កោសែនជ័យ ២-១ នៅកីឡដ្ឋាន អេ អាយ អេ ខេអឹមអេច ផាក Marcus Haber រកបាន ១គ្រាប់
- សប្ដាហ៍ទី៥៖ ឈ្នះអង្គរថាយហ្គឺរ ៥-២ នៅកីឡដ្ឋានខេត្តស្វាយរៀង Marcus Haber រកបាន ១គ្រាប់
- សប្ដាហ៍ទី៦៖ ឈ្នះវិសាខា ១-០ នៅកីឡដ្ឋាន ព្រីនស៍ Marcus Haber រកបាន ១គ្រាប់ម្នាកឯង
- សប្ដាហ៍ទី៧៖ ឈ្នះព្រៃវែង ៥-៣ នៅកីឡដ្ឋានខេត្តស្វាយរៀង Marcus Haber រកបាន ៣គ្រាប់
- សប្ដាហ៍ទី៨៖ ឈ្នះគិរីវង់សុខសែនជ័យ ២-១ នៅកីឡដ្ឋានខេត្តស្វាយរៀង Marcus Haber រកបាន ១គ្រាប់
- សប្ដាហ៍ទី៩ ឈ្នះបឹងកេត ៣-១ នៅពហុកីឡដ្ឋានជាតិ (អូឡាំពិក) Marcus Haber រកបាន ១គ្រាប់
ខាងក្រោមគឺបញ្ជី Top Scorers គិតត្រឹមចប់វគ្គសន្សុំពិន្ទុជុំទី១ នៅសប្ដាហ៍ទី៩៖
ក្លិបបាល់ទាត់ព្រះខ័នរាជស្វាយរៀង ជាក្រុមតែមួយគត់នៅលីគកំពូលកម្ពុជា ដែលអាចរកជ័យជម្នះបានគ្រប់ការវប្រកួត ឆ្លងកាត់ ៩សប្ដាហ៍ វគ្គសន្សុំពិន្ទុជុំទី១ នៃពានរង្វាន់ Cambodian Prmier League រដូវកាល២០២៣-២៤ កាលពីថ្ងៃទី២៩ ខែតុលា ឆ្នាំ២០២៣។
ដូចនេះ ព្រះខ័នរាជស្វាយរៀង ក្រោមការដឹកនាំរបស់លោក Pep Muñoz ឆ្លងកាត់ ៩សប្ដាហ៍ មាន៩ប្រកួត ឈ្នះទាំង ៩ស៊ុតបញ្ចូលទីគូប្រកួតបាន ២៣គ្រាប់ របូត ៩គ្រាប់ មាន ២៧ពិន្ទុពេញ ឈរកំពូលតារាងចំណាត់ថ្នាក់។
គួរបញ្ជាក់ថា ការប្រកួតពានរង្វាន់លីគកំពូលកម្ពុជា Cambodian Premier League 2023-24 មាន ១០ក្រុមជាសមាជិកដោយត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក។ សម្រាប់ការប្រកួតបានធ្វើឡើងកាលពីថ្ងៃទី៥ ខែសីហា ឆ្នាំ២០២៣ គ្រោងនឹងបញ្ចប់ថ្ងៃទី១២ ខែឧសភា ឆ្នាំ២០២៤ ខាងមុខ៕
តារាងចំណាត់ គិតត្រឹមចប់វគ្គសន្សុំពិន្ទុជុំទី១ នៅសប្ដាហ៍ទី៩៖
