ប្រធានាធិបតីសហរដ្ឋអាមេរិក Joe Biden បានអំពាវនាវឱ្យ «ផ្អាក» ជម្លោះរវាងអ៊ីស្រាអែល និងក្រុមហាម៉ាស់ ក្នុងសុន្ទរកថាយុទ្ធនាការមួយនៅទីក្រុង Minneapolis។ នេះបើយោងតាមការចញផ្សាយដោយសារព័ត៌មាន BBC នាថ្ងៃព្រហស្បតិ៍ ទី២ ខែវិច្ឆិកា ឆ្នាំ២០២៣។
លោក បៃដិន និយាយទៅកាន់ក្រុមមនុស្សប្រហែល ២០០នាក់ នៅក្នុងទីក្រុង Minneapolis នៅពេលដែលស្ត្រីម្នាក់ បានស្រែកសុំឱ្យលោក អំពាវនាវឱ្យមានបទឈប់បាញ់។
លោក បៃដិន បាននិយាយថា «ខ្ញុំគិតថា យើងត្រូវការបទឈប់បាញ់។ ការផ្អាកនេះនឹងផ្តល់ពេលវេលា ដើម្បីរំដោះអ្នកទោសចេញ»។
ទាក់ទិននឹងបញ្ហានេះ មន្ត្រីសេតវិមាន បានពន្យល់ថា លោក បៃដិន និយាយបែបនេះសំដៅទៅលើជំនួយមនុស្សធម៌ និងចំណាប់ខ្មាំងចំនួន២៤០នាក់ ដែលត្រូវបានក្រុមហាម៉ាស់ចាប់ឃុំខ្លួន។
ដំបូងឡើយ លោក Biden បានដាក់ការគាំទ្រពីក្រោយប្រទេសអ៊ីស្រាអែល ប៉ុន្តែជំហររបស់លោក ហាក់ដូចជាបានផ្លាស់ប្តូរចំពេលមានវិបត្តិមនុស្សធម៌ និងចំនួនជនស៊ីវិលដែលបាត់បង់ជីវិតកើនឡើងខ្ពស់នៅក្នុងតំបន់ហ្គាហ្សា។
យ៉ាងណាក៏ដោយការអំពាវនាវរបស់លោកឱ្យមានបទឈប់បាញ បង្ហាញពីការផ្លាស់ប្តូរជំហរពីមន្ត្រីសេតវិមាន ដែលបានរក្សាជាយូរមកហើយថា ពួកគេនឹងមិនចូលរួមក្នុងរបៀបដែលអ៊ីស្រាអែល ដែលជាសម្ព័ន្ធមិត្តជិតស្និទ្ធ អនុវត្តប្រតិបត្តិការយោធារបស់ខ្លួនលើទឹកដីនៃប្រទេសប៉ាឡេស្ទីនទេ។
សូមជម្រាបថា ការប្រយុទ្ធគ្នាយ៉ាងខ្លាំងនៅតំបន់ហ្គាហ្សាស្រ្ទីបបានបន្ត អស់រយៈពេលច្រើនសប្តាហ៍ចាប់តាំងពីថ្ងៃទី៧ ខែតុលា ឆ្នាំ២០២៣។ នៅព្រឹកថ្ងៃព្រហស្បតិ៍នេះ គ្រាប់បែករាប់សិបគ្រាប់ ត្រូវបានគេឮ និងឃើញធ្លាក់នៅក្នុងទីក្រុង ហ្គាហ្សា៕