សិល្បៈជាតិ៖ លោក អុល សំអាង សិល្បករបុរាណ និងជាតួឯកល្ខោនបាសាក់ បានបន្តស្មារតីអំពាវនាវឱ្យមហាជនជួយចូលរួមផ្សព្វផ្សាយពីល្ខោនបាសាក់ខ្មែរឱ្យបានសុះសាយបន្ថែមទៀត។
លោក អុល សំអាង បានបង្ហោះនៅលើបណ្ដាញសង្គមហ្វេសប៊ុកក្នុងអត្ថន័យអំពាវនាវថា ៖ «ការរួមគ្នាជួយផ្សព្វផ្សាយ អភិរក្ស មរតកទម្រង់សិល្បៈល្ខោនបាសាក់ខ្មែរ ឱ្យជ្រួលជ្រាបដល់ស្រទាប់មហាជនជ្រោតជ្រាប ពីគុណតម្លៃ វប្បធម៌ជាតិយើង គួរតែផុសចេញទឹកចិត្ត សាមានចិត្ត ស្មារតី មនសិកានៃពលរដ្ឋយើងម្នាក់ៗ ដើម្បីការពារថែរក្សា បណ្តុះបណ្តាល គាំពារទ្រទ្រង់ ពីមូលធនជន ឥស្សរជន នៃជាតិយើង»។
សូមជម្រាបថា លោក អុល សំអាង គឺជាសិល្បករល្ខោនបាសាក់មួយរូប ដែលបានបម្រើវិស័យសិល្បៈបុរាណនេះប្រមាណជាង ២០ឆ្នាំមកហើយ ប៉ុន្តែលោកត្រូវបានអ្នកគាំទ្រមួយចំនួនមើលរំលង បន្ទាប់ពីសិល្បៈសម័យវាតទីយកអស់ការគាំទ្រ។ លោកទើបតែទទួលបានការចាប់អារម្មណ៍ពីសំណាក់មហាជនជាថ្មី ក្រោយពីមានព្រះរាជក្រឹត្យនស/រកត/០៧១៩/១១៦២ ត្រាស់បង្គាប់តែងតាំងដោយព្រះមហាក្សត្រ ជាទីប្រឹក្សាក្រសួងព័ត៌មានឋានៈស្មើឯកឧត្តម ដែលមិនធ្លាប់មានអ្នកសិល្បករល្ខោនបាសាក់ណាម្នាក់មានសំណាងដូចលោក៕
