សហព័ន្ធកីឡាហុកគីកម្ពុជា បានជូនដំណឹងដល់ ក្លឹប-សមាគម កីឡាហុកគី នៃក្រសួងស្ថាប័នរាជធានី-ខេត្ត មេត្តាជ្រាបថា៖ ក្រោមគម្រងថវិកាគាំទ្រប្រចាំឆ្នាំ២០២៣ របស់ក្រសួងអប់រំ យុវជន និងកីឡាសម្រាប់ ពន្លឿនការអភិវឌ្ឍកីឡាជាតិ សហព័ន្ធកីឡាហុកគីកម្ពុជា នឹងរៀបចំការប្រកួតកីឡាហុកគី ជ្រើសរើសជើងឯកថ្នាក់ជាតិ ប្រចាំឆ្នាំ២០២៣។
ការដាក់ពាក្យចូលរួមប្រកួត នឹងចាប់ផ្តើមទទួលពីថ្ងៃជូនដំណឹងនេះតទៅ រហូតដល់ថ្ងៃទី១០ ខែវិច្ឆិកា ឆ្នាំ២០២៣ វេលាម៉ោង ១៧:០០នាទី នៅទីស្នាក់ការសហព័ន្ធកីឡាហុកគីកម្ពុជា (ស្ថិតក្នុងទីស្នាក់ការគណ:កម្មាធិការជាតិអូឡាំពិកកម្ពុជា) ដោយភ្ជាប់មកជាមួយនូវ ៖
១-ពាក្យចូលរួមប្រកួត ចំនួន ០២ ច្បាប់
២-កិច្ចសន្យា ចំនួន ០២ ច្បាប់
៣-បញ្ជីរាយនាម ប្រតិភូ គ្រូបង្វឹក កីឡាករ កីឡាការិនី ចំនួន ០២ ច្បាប់
៤-អាល់ប៊ុមបិទរូបថតថ្មីទំហំ 4cm x 6cm ចំនួន ០២ ច្បាប់
៥-រូបថតប្រតិភូ កីឡាករ ឬ កីឡាការិនី ទំហំ 4cm x 6cm ម្នាក់ៗ ចំនួន ០២ សន្លឹក
សម្រាប់កម្មវិធីប្រកួត កីឡាហុកគី ជ្រើសរើសជើងឯកថ្នាក់ជាតិ ប្រចាំឆ្នាំ២០២៣ នឹងប្រព្រឹត្តទៅពី ថ្ងៃទី១៧ ដល់ ២០ ខែ វិច្ឆិកា ឆ្នាំ២០២៣ នៅទីលានកីឡាហុកគី នៃពហុ កីឡដ្ឋានជាតិមរតកតេជោ ដែលមានវិញ្ញាសាដូចខាងក្រោម៖
១- វិញ្ញាសាក្នុងសាល(ក្រុមបុរស) ០៦នាក់ ទល់ ០៦នាក់
២- វិញ្ញាសាក្នុងសាល(ក្រុមនារី ០៦នាក់ ទល់ ០៦នាក់
ចំពោះព័ត៌មានលម្អិត សូមអញ្ជើញទំនាក់ទំទងមកសហព័ន្ធកីឡាហុកគីកម្ពុជា តាមរយៈTelegram និង ទូរស័ព្ទលេខ៖ ០១២៨៧១៣០៥ និង ០៩៦ ៧៧៩៩៩១១៕
