សិល្បៈជាតិ៖ លោក សាន សុជា និងប្រពន្ធ នៅតែបន្តរងការរិះគន់ពីមជ្ឈដ្ឋានមហាជនអ្នកសិល្បៈ និងជាពិសេសគឺឯកឧត្តម ហ៊ុន ជា បន្ទាប់ពីលោកបានលើកឡើងថា ថ្ងៃសីលគឺជាថ្ងៃចង្រៃ ហើយមនុស្ស ហើយព្រោះតែជំនឿមនុស្សទើបធ្វើឱ្យថ្ងៃដែលមានសិរីមង្គល ក្លាយជាថ្ងៃចង្រៃបែបនេះ។
នៅក្នុងវីដេអូរបស់លោក សាន សុជា បានលើកឡើងថា ថ្ងៃសីលគឹជាថ្ងៃដែលធ្វើឱ្យមនុស្សគ្មានក្ដីសុខ ថ្ងៃសីលគឺជាថ្ងៃមនុស្សប្រកាសថាខ្លួនឯកា ថាខ្លួនជាមនុស្សគ្មានទីពឹង ព្រោះរៀងរាលថ្ងៃសីលមនុស្សទៅថ្វាយបង្គំសំពះបន់ស្រន់ព្រះស៊ីម៉ង់ បន់ស្រន់ម្ចាស់ទឹក ម្ចាស់ដី រូបចម្លាក់ថ្មគឺជាទង្វើមួយដែលមនុស្សកំពុងប្រកាសប្រាប់ទៅកាន់ពពួកទាំងអស់នោះថា មនុស្សកំពុងតែគ្មានទីពឹង ដោយលោក សាន សុជា បានសង្កត់ថា ព្រោះតែជំនឿរបស់មនុស្សបែបនេះហើយបានជាធ្វើឱ្យ ថ្ងៃសីលដែលជាថ្ងៃដ៏ល្អប្រែទៅជាថ្ងៃចង្រៃ។
ក្រោយការលើកឡើងរបស់អតីតសង្ឃរូបនេះ បានធ្វើឱ្យឯកឧត្តម ហ៊ុន ជា មិនពេញចិត្តជាខ្លាំងដល់ថ្នាក់បោះពាក្យសម្ដីខ្លាំង ព្រមទាំងបង្ហាញអារម្មណ៍ថាស្ដាយដែលលោកធ្លាប់ជឿ ធ្លាប់គោរពទៅកាន់លោក សាន សុជា នាពេលកន្លងមកថែមទៀត។
ឯកឧត្តម ហ៊ុន ជា បានលើកឡើងថា « វិធីរកលុយថ្មីតែបែបបែកៗ កាលនៅពុទ្ធចក្រវិធីផ្សេង អញសង្ស័យ ធ្វើរាល់ថ្ងៃហើយបានជាថាថ្ងៃសិលជាថ្ងៃខ្វះសេចក្ដីសុខ អីចឹង អាវ៉ូច ? ថ្ងៃសិលតម,,,,,,ដូចអញមែន ? ហាមថែមគ្រឿង សំខាន់វាឈ្មោះដូចអញទៀត អានេះវើយ»។
បន្តមកទៀតឯកឧត្តម ហ៊ុន ជា បានបន្តបញ្ជាក់នៅក្នុង Comment ដែលថា «កាលពីនៅជាសង្ឃខ្ញុំចូលចិត្តស្ដាប់លោក តែក្រោយសឹរៀបការមានគេជេរខ្ញុំជួយការពារទៀតព្រោះគិតថានិស្ស័យមនុស្សលោកដល់គូ តែយូៗទៅកាន់តែឡប់ៗទៅ អាវ៉ូច ថាមិនចង់លូកមាត់ទេវាគ្មានតម្លៃសំរាប់ជាតិសាសន៍សោះហ្មង »។
ចំពោះការលើកឡើងរបស់ឯកឧត្តម ហ៊ុន ជា ត្រូវបានមហាជនជាច្រើននាក់បញ្ចេញមតិគាំទ្រយ៉ាងខ្លាំង និងខ្លះទៀតបានបង្ហាញអារម្មណ៍ហួសចិត្ត នឹកសោកស្ដាយទឹកចិត្តធ្លាប់គោរពស្រលាញ់លោក សាន សុជា កាលនៅជាភិក្ខុសង្ឃ ផងដែរ។
យ៉ាងណាមិញ គេនៅចាំបានថា កន្លងមកពេលថ្មីនេះ ភរិយាលោក សាន សុជា ក៏ត្រូវបានមជ្ឈដ្ឋានមហា និងភរិយារបស់នេន ទុំ បញ្ចេញមតិវែកញែក និងបានចេញសារបកស្រាយចំនួន៤ចំណុចតបតទៅនឹងការលើកឡើងរបស់អ្នកនាង ឡៅ ដាណេ ចំពោះករណីដែលអ្នកនាង មានការព្រួយបារម្ភខ្លាចថាខ្លួននឹងត្រូវបងប្អូនខ្មែររស់នៅអូស្ត្រាលីចោមរោម គប់បន្លែដាក់ខ្លួននៅកណ្ដាលផ្សារទំនើប។
គួរដឹងដែរថា ការឈឺឆ្អាលរបស់អ្នកនាង លុយ សារិនណា គឺជាលើកទី ២ ហើយ បន្ទាប់អ្នកនាងធ្លាប់ចេញមករិះគន់ចំពោះលោក សាន សុជា ម្ដងរួចហើយករណីអួតចិញ្ចៀនពេជ្រនៅថ្ងៃរៀបការ រហូតកើតមានអ្នកគាំទ្រទាំងពីរភាគីចេញមកជជែកវែកនិងកាន់ជើងរៀងខ្លួនផងដែរ៕
