សិល្បៈជាតិ៖ មកដល់ទេសកាលបុណ្យអុំទូក ធ្វើឱ្យយើងនឹកដល់ ទូកង «កម្ពោជិកបុត្តខេមរាភរី» ដែលជាទូកងទូក«ង»ខ្មែរវែងជាងគេនៅលើពិភពលោក បានជាប់ឯតទគ្គកម្ម World Guinness Record កាលពី ៥ ឆ្នាំមុន។
ទូក «ង» ដែលវែងជាងគេរបស់កម្ពុជាមួយនេះគឺមានអត្ថន័យថា ទូកងរបស់កូនខ្មែររស់នៅក្នុងដែនដីកម្ពុជា ផលិតដោយកូនខ្មែរនៅតំបន់អ្នកលឿងត្រើយខាងកើត ក្នុងឃុំព្រែកខ្សាយ ស្រុកពាមរក៍ ខេត្តព្រៃវែង (គិតចាប់ពីថ្ងៃចាប់ផ្តើមផលិតរហូតដល់បញ្ចប់ មានរយៈពេល ៦ខែ គឺចាប់ពីខែមេសារហូតដល់ខែតុលា ដែលមានពលរដ្ឋចំនួន១៤២៦៣នាក់ បានចូលរួមផលិត ) មានចំណុះទូកចំនួន១៧៩នាក់ មានប្រវែង៨៧.៣ម៉ែត្រ ទទឹង១.៩៤ម៉ែត្រ និងជម្រៅ០.៨ម៉ែត្រ ដែល នេះជាការបង្ហាញឱ្យឃើញពីមោទនភាពជាតិខ្មែរ បង្ហាញពីកម្លាំងសាមគ្គីរបស់ពលរដ្ឋខ្មែរ ចេះស្រឡាញ់ ពួតដៃគ្នាកសាងអ្វីមួយដើម្បីភាពល្បីល្បាញប្រកបដោយកិត្យានុភាពជាតិ។ សព្វថ្ងៃនេះ ទូកងដ៏វែងជាងគេនៅលើពិភពលោក ត្រូវបានតម្កល់នៅរោង «សន្តិបាលាគារកម្ពោជិកបុត្តាខេមរាតរី» ខេត្តព្រៃវែង។
គួររំលឹកថា ទូកង កម្ពោជិកបុត្តាខេមរាតវី បានជាប់ឯតទគ្គកម្មពិភពលោក World Guinness Record ជាផ្លូវ ការហើយ នៅវេលាម៉ោង៩ព្រឹក ថ្ងៃទី១២ ខែវិច្ឆិកា ឆ្នាំ២០១៨ ថ្មីៗនេះ ដែលលើកនេះជាលើកទី៤ ហើយ ដែលកម្ពុជាទទួលបានឯតទគ្គកម្មពិភពលោក នៅឆ្នាំ ២០១៥ កម្ពុជាបំបែកកំណត់ត្រាដោយការរាំ ចង្វាក់ម៉ាឌីហ្សូនដែលមានអ្នកចូលរួមចំនួន២០១៥នាក់ នំអន្សមយក្សមានទម្ងន់ជាង៤តោនកាលពីឆ្នាំ ២០១៥ និងចុងក្រោយគឺក្រមាវែងជាងគេលើពិភពលោកដែលមានប្រវែង ១១៤៩ ម៉ែត្រ៕
