ព្រះខ័នរាជស្វាយរៀង ស្គាល់បរាជ័យជាលើកដំបូង ក្រោមថ្វីជើងរបស់ណាហ្គាវើលដ៍ នៅជុំទី២ សប្ដាហ៍ទី១២ ក្រោយចំណាយពេលអស់ ១២១ថ្ងៃប្រកួតពានរង្វាន់លីគកំពូលកម្ពុជា Cambodian Prmier League រដូវកាល២០២៣-២៤ កាលពីថ្ងៃទី៣ ខែធ្នូ ឆ្នាំ២០២៣។
ដូចនេះ ព្រះខ័នរាជស្វាយរៀង ក្រោមការដឹកនាំរបស់លោក Pep Muñoz ឆ្លងកាត់ ១២សប្ដាហ៍ មាន១២ប្រកួត ឈ្នះទាំង ១០ ស្មើ១ ចាញ់ ១ ស៊ុតបញ្ចូលទីគូប្រកួតបាន ២៤គ្រាប់ របូត ១០គ្រាប់ មាន ៣១ពិន្ទុ ឈរកំពូលតារាង។
ប្រវត្តិ ១២ប្រកួតកន្លងមករបស់ព្រះខ័នរាជស្វាយរៀង នៅលីគកមពូលកម្ពុជា រួមមាន៖
-ប្រកួតទី១៖ ឈ្នះ Tiffy Army ២-០ នៅកីឡដ្ឋានស្តាត់ចាស់
-ប្រកួតទិ២៖ ឈ្នះភ្នំពេញក្រោន ២-១ នៅកីឡដ្ឋានខេត្តស្វាយរៀង
-ប្រកួតទី៣៖ ឈ្នះណាហ្គាវើលដ៍ ១-០ នៅកីឡដ្ឋានខេត្តស្វាយរៀង
-ប្រកួតទី៤៖ ឈ្នះ ISI ដង្កោសែនជ័យ ២-១ នៅកីឡដ្ឋាន អេ អាយ អេ ខេអឹមអេច ផាក
-ប្រកួតទី៥៖ ឈ្នះអង្គរថាយហ្គឺរ ៥-២ នៅកីឡដ្ឋានខេត្តស្វាយរៀង
-ប្រកួតទី៦៖ ឈ្នះវិសាខា ១-០ នៅកីឡដ្ឋាន ព្រីនស៍
-ប្រកួតទី៧៖ ឈ្នះព្រៃវែង ៥-៣ នៅកីឡដ្ឋានខេត្តស្វាយរៀង
-ប្រកួតទី៨៖ ឈ្នះគិរីវង់សុខសែនជ័យ ២-១ នៅកីឡដ្ឋានខេត្តស្វាយរៀង
-ប្រកួតទី៩៖ ឈ្នះបឹងកេត ៣-១ នៅពហុកីឡដ្ឋានជាតិ (អូឡាំពិក)
-ប្រកួទី១០៖ ឈ្នះ Tiffy Army ១-០ នៅកីឡដ្ឋានខេត្តស្វាយរៀង
-ប្រកួតទី១១៖ ស្មើជាមួយភ្នំពេញក្រោន ០-០ នៅកីឡដ្ឋាន ស្មាត អ អេស អិន
-ប្រកួតទី១២៖ ចាញ់ណាហ្គាវើលដ៍ ១-០ នៅកីឡដ្ឋាន ខេត្តកំពង់ស្ពឺ
លទ្ធផលប្រកួតថ្ងៃទី៣ ខែធ្នូ សប្ដាហ៍ទី១២៖
គួរបញ្ជាក់ថា ការប្រកួតពានរង្វាន់លីគកំពូលកម្ពុជា Cambodian Premier League 2023-24 មាន ១០ក្រុមជាសមាជិកដោយត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក។ សម្រាប់ការប្រកួតបានធ្វើឡើងកាលពីថ្ងៃទី៥ ខែសីហា ឆ្នាំ២០២៣ គ្រោងនឹងបញ្ចប់ថ្ងៃទី១២ ខែឧសភា ឆ្នាំ២០២៤ ខាងមុខ៕